Page Text
________________
२१८
पण्णवणासुत्तं
१३८. एगिदिया णं भंते ! जीवा मिच्छत्तवेयणिज्जस्स कम्मस्स किं बंधंति ? गोयमा ! जहण्णेणं सागरोवमं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधंति ॥
१३६. एगिदिया णं भंते ! जीवा सम्मामिच्छत्तवेयणिज्जस्स किं बंधति ? गोयमा ! णत्थि किंचि बंधंति ॥
१४०. एगिदिया णं भंते ! कसायबारसगस्स किं बंधंति ? गोयमा ! जहणणं सागरोवमस्स चत्तारि सत्तभागे पलिओवमस्स असंखेज्जइभागेणं ऊणए, उक्कोसेणं ते चेव पडिपुण्णे बंधंति । एवं कोहसंजलणाए वि जाव लोभसंजलणाए वि।।
१४१. इत्थिवेयस्स जहा' सायावेय णिज्जस्स ।।
१४२. एगिदिया पुरिसवेदस्स कम्मस्स जहण्णणं सागरोवमस्स एक्कं सत्तभागं पलिओवमस्स असंखेज्जइभागेणं ऊणयं, ऊक्कोसेणं तं चेव पडिपुण्णं बंधंति ॥
१४३. एगिदिया णपुंसगवेदस्स कम्मस्स जहण्णेणं सागरोवमस्स दो सत्तभागे पलिओवमस्स असंखेज्जइभागेणं ऊणए, उक्कोसेणं ते चेव पडिपुण्णे बंधंति ॥
१४४. हास-रतीए जहा' पुरिसवेयस्स ॥ १४५. अरति-भय-सोग-दगंछाए जहाणपंसगवेयस्स॥
१४६. णेरइयाउय देवाउय णिरयगतिणाम देवगतिणाम वेउब्वियसरीरणाम आहारगसरीरणाम णेरइयाणुपुग्विणाम देवाणुपुव्विणाम तित्थगरणाम एयाणि पयाणि ण बंधंति॥
१४७. तिरिक्खजोणियाउयस्स जहण्णेणं अंतोमुहुत्तं, उक्कोसेणं पुत्वकोडि' सत्तहिं वाससहस्सेहिं वाससहस्सतिभागेण य अहियं बंधति । एवं मणुस्साउयस्स वि ॥
१४८. तिरियगतिणामाए जहा' णपुंसगवेदस्स ॥ १४६. मणुयगतिणामाए जहा सातावेदणिज्जस्स ।। १५०. एगिदियजाइणामाए पंचेंदियजातिणामाए य जहाणपुंसगवेदस्स ॥
१५१. बेइंदिय-तेइंदियजातिणामाए जहण्णेणं सागरोवमस्स णव पणतीसतिभागे पलिओवमस्स असंखेज्जइभागेणं ऊणए, उक्कोसेणं ते चेव पडिपुण्णे बंधति ॥
१५२. चउरिदियनामाए वि जहण्णणं सागरोवमस्स णव पणतीसतिभागे पलिओवमस्स असंखिज्जइभागेणं ऊणए, उक्कोसेणं ते चेव पडिपुण्णे बंधंति। एवं जत्थ जहण्णगं दो सत्तभागा तिण्णि वा चत्तारि वा सत्तभागा अट्ठावीसतिभागा भवंति तत्थ णं जहण्णणं ते चेव पलिओवमस्स असंखेज्जइभागेणं ऊणगा भाणियव्वा,उक्कोसेणं ते चेव पडिपुण्णे बंधंति । जत्थ णं जहण्णणं एगो वा दिवड्ढो वा सत्तभागो तत्थ जहण्णेणं तं चेव भाणियव्वं, उक्कोसेणं तं चेव पडिपुण्णं बंधंति ।।
१.५० २३।१३५। २.५० २३।१४२ । ३. प० २३।१४३। ४. विभक्तिरहितं पदम् । ५. एयाणि णव (ग)।
६. पुवकोडी (क,ख,ग,घ)। ७. प० २३।१४३ । ८.५० २३।१३५ ६. प०२३।१४३।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |