Page Text
________________
तेवीसइमं कम्मपगडिपयं
२९७
१२०. एवं पज्जत्तगणामाए वि । अपज्जत्तगणामाए जहा' सुहुमणामस्स ।। १२१. पत्तेययरीरणामाए वि दो सत्तभागा। साहारणसरीरणामाए जहा' सुहुमस्स ॥ १२२. थिरणामाए एगं सत्तभागं । अथिरणामाए दो ॥ १२३. सुभणामाए एगो । असुभणामाए दो॥ १२४. सुभगणामाए एगो। दूभगणामाए दो। १२५. सूसरणामाए एगो। दूसरणामाए दो । १२६. आएज्जणामाए एगो । अणाएज्जणामाए दो।
१२७. जसोकित्तिणामाए जहण्णेणं अट्ठ मुहुत्ता, उक्कोसेणं दस सागरोवमकोडाकोडीओ; दस य वाससताइं अबाहा, अबाहूणिया कम्मठिती-कम्मणिसेगो॥
१२८. अजसोकित्तिणामाए पुच्छा। गोयमा ! जहा' अपसत्थविहायगतिणामस्स । एवं णिम्माणणामाए वि ॥
१२९. तित्थगरणामाए णं पुच्छा । गोयमा ! जहण्णेणं अंतोसागरोवमकोडाकोडीओ, उक्कोसेण वि अंतोसागरोवकोडाकोडीओ।
१३०. एवं जत्थ एगो सत्तभागो तत्थ उक्कोसेणं दस सागरोबमकोडाकोडीओ; दस य वाससयाइं अबाहा, अबाहूणिया कम्मठिती-कम्मणिसेगो। जत्थ दो सत्तभागा तत्थ उक्कोसेणं वीसं सागरोवमकोडाकोडाओ वीस य वाससयाइं अबाहा, अबाहूणिया कम्मठिती-कम्मणिसेगो॥
१३१. उच्चागोयस्स पुच्छा । गोयमा ! जहण्णेणं अट्ठ मुहुत्ता, उक्कोसेणं दस सागरोवमकोडाकोडीओ; दस य वाससयाइं अबाहा, अबाहूणिया कम्मठिती-कम्मणिसेगो॥
१३२. णीयागोयस्स पुच्छा । गोयमा ! जहा अप्पसत्थविहायगतिणामस्स ॥
१३३. अंतराइयस्स णं पुच्छा। गोयमा ! जहण्णेणं अंतोमुहत्तं, उक्कोसेणं तीसं सागरोवमकोडाकोडीओ; तिण्णि य वाससहस्साई अबाहा, अबाहूणिया कम्मठिती-कम्मणिसेगो॥ एगिदिएसु कम्मपयडीणं ठिइबंध-पदं
१३४. एगिदिया णं भंते ! जीवा णाणावरणिज्जस्स कम्मस्स किं बंधंति ? गोयमा ! जहण्णणं सागरोवमस्स तिण्णि सत्तभागे पलिओवमस्स असंखेज्जइभागेणं ऊणए, उक्कोसेणं ते चेव पडिपुण्णे बंधंति । एवं णिद्दापंचकस्स वि सणचउक्कस्स वि ।।
१३५. एगिदिया णं भंते ! जीवा सातावेयणिज्जस्स कम्मस्स किं बंधंति ? गोयमा ! जहण्णेणं सागरोवमस्स दिवड्ढं सत्तभागं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधति ॥
१३६. असायावेयणिज्जस्स जहा' णाणावरणिज्जस्स ॥
१३७. एगिदिया णं भंते ! जीवा सम्मत्तवेयणिज्जस्स कम्मस्स कि बंधंति ? गोयमा णत्थि किंचि बंधंति ॥
५. प०२३।१३४ ।
१-२. प० २३।११८ । ३-४. प० २३॥१७॥
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |