Page Text
________________
२६६
पण्णवणासुत्तं
१०७. दुब्भिगंधणामाए जहा' छेवट्टसंघयणस्स ॥ १०८. रसाणं महुरादीणं जहा वण्णाणं भणियं तहेव परिवाडीए भाणियव्वं ॥
१०६. फासा जे अपसत्था तेसिं जहा' छेवट्टस्स, जे पसत्था तेसिं जहा सुक्किलवण्णणामस्स ॥
११०. अगुरुलहुणामाए जहा' छेवट्टस्स । एवं उवघायणामाए वि। पराघायणामाए वि एवं चेव ॥
१११. णिरयाणपुग्विणामाए पुच्छा। गोयमा ! जहण्णणं सागरोवमसहस्सस्स दो सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाइं अबाहा, अबाहूणिया कम्मठिती-कम्मणिसेगो॥
११२. तिरियाणुपुवीए पुच्छा। गोयमा ! जहण्णेणं सागरोवमस्स दो सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरवमकोडाकोडीओ; वीस य वाससताइं अबाहा, अबाहूणिया कम्मठिती–कम्मणिसेगो॥
११३. मणुयाणुपुविणामाए णं पुच्छा। गोयमा ! जहण्णेणं सागरोवमस्स दिवड्ढं सत्तभागं पलिओवमस्स असंखेज्जइभागेणं ऊणगं, उक्कोसेणं पण्णरस सागरोवमकोडाकोडीओ; पण्णरस य वाससयाइं अवाहा, अबाहूणिया कम्मठिती-कम्मणिसेगो॥
११४. देवाणपूविणामाए पुच्छा। गोयमा ! जहण्णणं सागरोवमसहस्सस्स एगं सत्तभागं पलिओवमस्स असंखेज्जइभागेणं ऊणगं, उक्कोसेणं दस सागरोवमकोडाकोडीओ; दस य वाससताइं अबाहा, अबाहूणिया कम्मठिती-कम्मणिसेगो॥
११५. उस्सासणामाए पुच्छा । गोयमा ! जहा' तिरियाणुपुवीए । आयवणामाए वि एवं चेव, उज्जोवणामाए वि॥
११६. पसत्थविहायगतिणामाए पुच्छा। गोयमा ! जहण्णेणं एगं सागरोवमस्स सत्तभागं, उक्कोसेणं दस सागरोवमकोडाकोडीओ; दस य वाससताई अबाहा, अबाहूणिया कम्मठिती-कम्मणिसेगो॥
११७. अपसत्थविहायगतिणामस्स पुच्छा । गोयमा ! जहणणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ; वीस य वाससयाइं अबाहा, अबाहूणिया कम्मठिती-कम्मणिसेगो। तसणामाए थावरणामाए य एवं चेव ।।
११८. सुहमणामाए पुच्छा । गोयमा जहण्णेणं सागरोवमस्स णव पणतीसतिभागा पलिओवमस्स असंखेज्जइभागेणं ऊणया, उक्कोसेणं अट्ठारस सागरोवमकोडाकोडीओ; अट्ठारस य वाससयाइं अबाहा, अबाहूणिया कम्मठिती-कम्मणिसेगो॥
११६. बादरणामाए जहा अप्पसत्थविहायगतिणामस्स ।।
१. प० २३१६६। २. प०२३।१०१-१०५ । ३. प० २३॥६६ । ४.५० २३।१०१।
५. प० २३।६६ । ६. प० २३।११२। ७. प० २३।११७।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |