Page Text
________________
तेवीसइम कम्मपगडिपयं
२६५
६३. सरीरसंघायणामाए वि पंचण्ह वि जहा सरीरणामाए कम्मस्स ठिति त्ति ॥ ६४. वइरोसभणारायसंघयणणामाए जहा' रतिणामाए ।
६५. उसभणारायसंघयणणामाए पुच्छा । गोयमा ! जहण्णणं सागरोवमस्स छ पणतीसतिभागा पलिओवमस्स असंखेज्जइभागेणं ऊणगा, उक्कोसेणं बारस सागरोवमकोडाकोडीओ; बारस य वाससयाई अबाहा, अबाहूणिया कम्मठिती-कम्मणिसेगो॥
६६. णारायसंघयणणामाए जहण्णेणं सागरोवमस्स सत्त पणतीसतिभागा पलिओवमस्स असंखेज्जइभागेणं ऊणगा, उक्कोसेणं चोद्दस सागरोवमकोडाकोडीओ; चोद्दस य वाससताइ अबाहा, अबाणिया कम्मठिती-कम्मणिसेगो।।।
६७. अद्धणारायसंघयणणामस्स जहण्णणं सागरोवमस्स अट्ठ पणतीसतिभागा पलिओवमस्स असंखेज्जइभागेणं ऊणगा, उक्कोसेण सोलस सागरोवमकोडाकोडीओ; सोलस य वाससताइं अबाहा, अबाहूणिया कम्मठिती-कम्मणिसेगो।।
६८. खीलियासंघयणे' णं पुच्छा । गोयमा ! जहण्णेणं सागरोवमस्स णव पणतीसतिभागा पलिओवमस्स असंखेज्जइभागेणं ऊणगा, उक्कोसेणं अट्ठारस सागरोवमकोडाकोडीओ; अट्ठारस य वाससयाई अवाहा, अवाहूणिया कम्मठिती-कम्मणिसेगो ।
६६. छेवट्टसंघयणणामस्स पुच्छा । गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाइं अबाहा, अवाहूणिया कम्मठिती - कम्मणिसेगो॥
१००. एवं जहा संघयणणामाए छ भणिया एवं संठाणाए वि छ भाणियव्वा ।।
१०१. सुक्किलवण्णनामाए पुच्छा । गोयमा ! जहण्णणं सागरोवमस्स एगं सत्तभागं पलिओवमस्स असं खिज्जइभागेणं ऊणगं, उक्कोसेणं दस सागरोवमकोडाकोडीओ; दस य वाससयाइं अबाहा, अबाहूणिया कम्मठिती-कम्मणिसेगो।।।
१०२. हालिद्दवण्णणामाए पुच्छा । गोयमा ! जहण्णेणं सागरोवमस्स पंच अट्ठावीसतिभागा पलिओवमस्स असंखेज्जइभागेणं ऊणगा, उक्कोसेणं अद्धतेरस सागरोवमकोडाकोडीओ; अद्धतेरस य वाससयाई अबाहा, अवाणिया कम्मठिती-कम्मणिसेगो।।
१०३. लोहियवण्णणामाए णं पुच्छा । गोयमा ! जहण्णेणं सागरोवमस्स छ अट्ठावीसतिभागा पलिओवमस्स असंखेज्जइभागेणं ऊणगा, उक्कोसेणं पण्णरस सागरोवमकोडाकोडीओ; पण्णरस य वाससयाइं अबाहा, अबाहूणिया कम्मठिती-कम्मणिसेगो।।
१०४. णीलवण्णणामाए पुच्छा। गोयमा! जहण्णेणं सागरोवमस्स सत्त अट्ठावीसतिभागा पलिओवमस्स असंखेज्जइभागेणं ऊणया, उक्कोसेणं अद्धद्वारस सागरोवमकोडाकोडीओ; अट्ठारस य वाससयाइं अबाहा, अबाहूणिया कम्मठिती--कम्मणिसेगो।।
१०५. कालवण्णणामाए जहा" छेवट्टसंघयणस्स ॥ १०६. सुब्भिगंधणामाए पुच्छा। गोयमा ! जहा सूक्किलवण्णणामस्स ॥
१. प० २३१८६-६२ । २. प० २३१७६ । ३. कीलिया (ग)।
४. हलिद्द° (क,घ)। ५. प० २३।१६। ६. प० २३।१०१।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |