Page Text
________________
२६४
पण्णवणासुतं सहस्सस्स दो सत्तभागा पलिओवमस्स असंखेज्जतिभागेणं ऊणगा, उक्कोसेणं वीसं सागरोवमकोडाकोडीओ; वीस य वाससताइं अबाहा, अवाहणिया कम्मठिती--कम्मणिसेगो॥
८२. तिरियगतिणामाए जहा' णपुंसगवेदस्स ॥
८३. मणुयगतिणामाए पुच्छा। गोयमा! जहण्णणं सागरोवमस्स दिवढं सत्तभागं पलिओवमस्स असंखेज्जइभागेणं ऊणगं, उक्कोसेणं पण्णरस सागरोवमकोडाकोडीओ; पण्णरस य वाससताइं अबाहा, अबाहूणिया कम्मठिती-कम्मणिसेगो॥
८४. देवगतिणामाए णं पुच्छा। गोयमा ! जहण्णेणं सागरोवमसहस्सस्स एक्कं सत्तभागं पलिओवमस्स असंखेज्जइभागेणं ऊणगं, उक्कोसेणं जहा पुरिसवेयस्स ॥
८५. एगिदियजाइणामाए णं पुच्छा । गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; 'वीस य" वाससताई अबाहा, अबाहूणिया कम्मठिती-कम्मणिसेगो।। ___ ८६. बेइंदियजातिणामाए णं पुच्छा । गोयमा ! जहण्णेणं सागरोवमस्स णव पणतीसतिभागा पलिओवमस्स असंखेज्जइभागेणं ऊणगा, उक्कोसेणं अट्ठारस सागरोवमकोडाकोडीओ; अट्ठारस य वाससयाइं अबाहा, अबाहूणिया कम्मठिती-कम्मणिसेगो॥
८७. तेइंदियजाइणामाए णं जहणणं एवं' चेव, उक्कोसेणं अट्ठारस सागरोवमकोडाकोडीओ; अट्रारस य वाससताइं अबाहा, अबाहणिया कम्मठिती-कम्मणिसेगो।।
८८. चउरिदियजाइणामाए णं पुच्छा । जहण्णेणं सागरोवमस्स नव पणतीसतिभागा पलिओवमस्स असंखेज्जइभागेणं ऊणया, उक्कोसेणं अट्ठारस सागरोवमकोडाकोडीओ; अट्ठारस य वाससयाई अबाहा, अबाहूणिया कम्मठिती-कम्मणिसेगो॥
८६. पंचेंदियजाइणामाए णं पुच्छा । गोयमा ! जहणेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणगा, उक्कोसेणं वीसं सागरोवमकोडाकोडीओ; वीस य वाससयाइं अबाहा, अबाहूणिया कम्मठिती-कम्मणिसेगो । ओरालियसरीरणामाए वि एवं चेव ॥
१०. वेउव्वियसरीरणामाए णं भंते ! पुच्छा । गोयमा ! जहण्णेणं सागरोवमसहस्सस्स दो सत्तभागा पलिओवमस्स असंखज्जइभागेणं ऊणया, उक्कोसेणं वीसं सागरोवमकोडा कोडीओ; वीस य वाससताइं अबाहा, अवाहूणिया कम्मठिती- कम्मणिसेगो॥
६१. आहारगसरीरणामाए जहण्णेणं अंतोसागरोवमकोडाकोडीओ, उक्कोसेण वि अंतोसागरोवमकोडाकोडीओ।।
६२. तेया-कम्मसरीरणामाए जहण्णेणं [सागरोवमस्स ? ] दोण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवकोडाकोडीओ; वीस य वाससताई अबाहा, अबाहूणिया कम्मठिती-कम्मणिसेगो। ओरालिय-वेउन्विय-आहारगसरीरंगोवंगणामाए तिण्णि वि एवं चेव । सरीरबंधणणामाए वि पंचण्ह वि एवं चेव ।।
१.५० २३७५। २.५० २३१७४।
३. वीसइ (क,ख,ग,घ)। ४. प० २३३८६ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |