Page Text
________________
तेवीसइम कम्मपगडिपयं
२६३
६८. कसायवारसगस्स जहण्णेणं सागरोवमस्स चत्तारि सत्तभागा पलिओवमस्स असंखेज्जइभागेणं ऊणया, उक्कोसेणं चत्तालीसं सागरोवमकोडाकोडीओ; चत्तालीसं वाससताइं अबाहा', 'अबाहूणिया कम्मठिती-कम्मणिसेगो॥
६६. कोहसंजलणाए' पुच्छा। गोयमा ! जहण्णेणं दो मासा,उक्कोसेणं चत्तालीसं सागरोवमकोडाकोडीओ; चत्तालीसं वाससताईअबाहा, अबाहूणिया कम्मठिती-कम्म°णिसेगो॥
७०. माणसंजलणाए पुच्छा। गोयमा ! जहण्णणं मासं, उक्कोसेणं जहा कोहस्स ॥
७१. मायासंजलणाए पुच्छा। गोयमा ! जहण्णेणं अद्धमासं, उक्कोसेणं जहा कोहस्स ॥
७२. लोभसंजलणाए पुच्छा। गोयमा ! जहण्णेणं अंतोमुहुत्तं, उक्कोसेणं जहा कोहस्स।
७३. इत्थिवेदस्स णं पुच्छा। गोयमा ! जहण्णेणं सागरोवमस्स दिवड्ढं सत्तभागं पलिओवमस्स असंखेज्जइभागेणं ऊणयं,उक्कोसेणं पण्णरस सागरोवमकोडाकोडीओ; पण्णरस य वाससताइं अबाहा, अबाहणिया कम्मठिती-कम्मणिसेगो॥
७४. पुरिसवेयस्स णं पुच्छा । गोयमा ! जहण्णेणं अट्ठ संवच्छराई, उक्कोसेणं दस सागरोवमकोडाकोडीओ; दस य वाससयाई अवाहा' 'अबाहूणिया कम्मठिती-कम्म°निसेगो॥
७५. नपुंसगवेदस्स णं पुच्छा। गोयमा ! जहणणं सागरोवमस्स दुण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ; वीसति वाससताइं अबाहा, अबाहूणिया कम्मठिती--कम्मणिसेगो ।
७६. हास-रतीणं पुच्छा । गोयमा ! जहण्णणं सागरोवमस्स एक्कं सत्तभागं पलिओवमस्स असंखेज्जइभागेणं ऊणं, उक्कोसेणं दस सागरोवमकोडाकोडीओ; दस य वाससताई अबाहा, अबाहूणिया कम्मठिती-कम्मणिसेगो॥
७७. अरइ-भय-सोग-दुगुंछाणं पुच्छा। गोयमा ! जहण्णेणं सागरोवमस्स दोण्णि सत्तभागा पलिओवमस्स असंखेज्जइभागेणं ऊणया, उक्कोसेणं वीसं सागरोवमकोडाकोडीओ; वीसतिं वाससताइं अबाहा, अबाहणिया कम्मठिती-कम्मणिसेगो॥
७८. णेरइयाउयस्स णं पुच्छा। गोयमा ! जहण्णेणं दस वाससहस्साइं अंतोमुत्तमभहियाई उक्कोसेणं तेत्तीसं सागरोवमाइं पुव्वकोडोतिभागमब्भहियाई॥
७६. तिरिक्खजोणियाउयस्स पुच्छा। गोयमा ! जहण्णणं अंतोमुहत्तं, उक्कोसेणं तिण्णि पलिओवमाइं पुवकोडितिभागमब्भहियाइं । एवं मणूसाउयस्स वि ॥
८०. देवाउयस्स जहा णेरइयाउयस्स ठिति त्ति ।। ८१. णिरयगतिणामाए णं भंते ! कम्मस्स पुच्छा। गोयमा ! जहण्णेणं सागरोवम
१. सं पा०-अबाहा जाव णिसेगो । २. संजलणे (क,ख,ग,घ)। ३. सं० पा०-वाससताई जाव णिसेगो।
४. सं० पा०-अबाहा जाव णिसेगो। ५. मब्भइयाइं (क,घ)। ६. °णामए (क,ख,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |