Page Text
________________
२८८
पण्णवणासुत्तं सुभणामस्स कम्मस्स जीवेणं बद्धस्स जाव पोग्गलपरिणामं पप्प चोद्दसविहे अणुभावे पण्णत्ते॥
२०. दुहणामस्स णं भंते ! ' कम्मस्स जीवेणं बद्धस्स पुट्ठस्स बद्ध-फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिग्णस्स परेण वा उदीरियस्स तभएण वा उदीरिज्जमाणस्स गतिं पप्प ठिति पप्प भवं पप्प पोग्गलं पप्प पोग्गलपरिणाम पप्प कतिविहे अणुभावे पण्णत्ते ? गोयमा ! दुहणामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दस विहे अणुभावे पण्णत्ते, तं जहा-अणिट्टा सद्दा अणिट्ठा रूवा अणिट्ठा गंधा अणिट्ठा रसा अणिट्ठा फासा अणिट्ठा गती अणिट्ठा ठिती अणिठे लावणे अणिट्ठा जसोकित्ती अणिठे उट्ठाण-कम्म-बल-वीरिय-पुरिसक्कार-परक्कमे हीणस्सरता दीणस्सरता अणिस्सरता अकंतस्सरता। जं वेएड पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम. तेसिं वा उदएणं दुहणामं कम्मं वेदेति । एस णं गोयमा ! दुहणामे कम्मे । एस णं गोयमा ! दुहणामस्स कम्मस्स जीवेणं बद्धस्स जाव पोग्गलपरिणाम पप्प चोद्दसविहे अणुभावे पण्णत्ते ।।
२१. उच्चागोयस्स णं भंते ! कम्मस्स जीवेणं "बद्धस्स पुट्ठस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तभएण वा उदीरिज्जमाणस्स गति पप्प णामं पप्प कतिविहे अणुभावे पण्णत्ते ? गोयमा ! उच्चागोयस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते, तं जहा–जातिविसिट्ठया कुलविसिट्ठया बलविसिट्ठया रूवविसिट्ठया तवविसिट्ठया सुयविसिट्ठया लाभ विसिट्ठया इस्सरियविसिट्टया । जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं' उच्चागोयं कम्मं वेदेति। एस णं गोयमा! उच्चागोए कम्मे। एस णं गोयमा ! उच्चागोयस्स कम्मस्स जीवेणं बद्धस्स जाव पोग्गलपरिणाम पप्प अट्ठविहे अणुभावे पण्णत्ते॥
२२. णीयागोयस्सणं भंते ! “कम्मस्स जीवेणं बद्धस्स पुटुस्स वद्ध-फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्स्स्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गति पप्प ठितिं पप्प भवं पप्प पोग्गलं पप्प पोग्गल१. सं० पा०-पुच्छा। गोयमा ! एवं चेव, ३. सं० पा०-उदएणं जाव अट्ठविहे णवरं-अणिट्ठा सद्दा जाव हीणस्सरता दीण- ४. णीतागोतस्स (क, घ) स्सरता अणिस्सरता अकंतस्स रता जं वेदेति ५. सं० पा०-पुच्छा। गोयमा ! एवं चेव, सेसं तं चेव जाव चोद्दसविहे ।
णवरं-जातिविहीणया जाव इस्सरियविही२. सं० पा०—पुच्छा।
णया।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |