Page Text
________________
तेवीसइमं कम्मपगडिपयं
२८७
णं गोयमा ! असायावेयणिज्जस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते॥
१७. मोहणिज्जस्स णं भंते ! कम्मस्स जीवेणं बद्धस्स' 'पुटुस्स बद्ध-फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणाम पप्प कतिविहे अणभावे पण्णत्ते ? गोयमा ! मोहणिज्जस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अणुभावे पण्णत्ते, तं जहा-सम्मत्तवेयणिज्जे मिच्छत्तवेयणिज्जे सम्मामिच्छत्तवेयणिज्जे कसायवेयणिज्जे णोकसायवेयणिज्जे। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं मोहणिज्ज कम्म वेदेति । एस णं गोयमा! मोहणिज्जे कम्मे । एस णं गोयमा ! मोहणिज्जस्स कम्मस्स जीवेणं बद्धस्स जाव पोग्गलपरिणामं पप्प पंचविहे अणुभावे पण्णत्ते ॥
१८. आउयस्स' णं भंते ! कम्मरस जीवेणं "वद्धस्स पुटुस्स वद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणामं पप्प कतिविहे अणुभावे पण्णत्ते ?° गोयमा! आउयस्स णं कम्मस्स जीवेणं बद्धस्स जाव पोग्गलपरिणामं पप्प चउविहे अणुभावे पण्णत्ते, तं जहा-णेरइयाउए तिरियाउए मणुयाउए देवाउए। जं वेइए पोग्गलं वा पोग्गले वा पोग्गलपरिणाम वा वीससा वा पोग्गलाणं परिणाम, तेसि वा उदएणं आउयं कम्मं वेदेति । एस णं गोयमा ! आउए कम्मे । एस णं गोयमा ! आउयस्स कम्मस्स जीवेणं वद्धस्स जाव पोग्गलपरिणामं पप्प चउविहे अणुभावे पण्णत्ते ।।
१६. सभणामस्सणं भंते ! कम्मस्स जीवेणं "बद्धस्स यूट्रस्स बद्ध-फास-पूट्रस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणाम पप्प कतिविहे अणुभावे पण्णत्ते ? गोयमा ! सुभणामस्स णं कम्मस्स जीवेणं बद्धस्स जाव पोग्गलपरिणामं पप्प चोद्दसविहे अणुभावे पण्णत्ते, तं जहा-इट्ठा सद्दा इट्ठा रूवा इट्ठा गंधा इट्ठा रसा इट्ठा फासा इट्ठा गती इट्ठा ठिती इठे लावण्णे इट्ठा जसोकित्ती इठे उट्ठाण-कम्मबल-वीरिय पुरिसक्कार-परक्कमे इट्ठस्सरता कंतस्सरता पियस्सरता मणुण्णस्सरता। जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं सुभणामं कम्मं वेदेति । एस णं गोयमा ! सुभणामे कम्मे । एस णं गोयमा !
१. सं० पा०-बद्धस्स जाव कतिविहे । २. आउस्स (ग)।
३. सं पा०-तहेव पुच्छा । ४. सं० पा०—पुच्छा।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |