Page Text
________________
२८६
पण्णवणासुत्तं
पप्प कतिविहे अणुभावे पण्णत्ते ? गोयमा ! दरिसणावरणिज्जस्स णं कम्मस्स जीवेणं बद्धस्स जाव पोग्गलपरिणामं पप्प णवविहे अणुभावे पण्णत्ते, तं जहा-णिद्दा णिहाणिद्दा पयला पयलापयला थीणद्धी' चक्खुदंसणावरणे अचक्खुदंसणावरणे ओहिदसणावरणे केवलदसणावरणे। जं वेदेति पोग्गलं वा पोग्गले वा पोग्गलपरिणाम वा वीससा वा पोग्गलाणं परिणाम, तेसिं वा उदएणं पासियव्वं ण पासति, पासिउकामे वि ण पासति, पासित्ता वि ण पासति, उच्छन्नदसणी' यावि' भवति दरिसणावरणिज्जस्स कम्मस्स उदएणं । एस णं गोयमा ! दरिसणावरणिज्जे कम्मे । एस णं गोयमा! दरिसणावरणिज्जस्स कम्मस्स जीवेणं बद्धस्स जाव पोग्गलपरिणामं पप्प णवविहे अणुभावे पण्णत्ते ॥
१५. सातावेदणिज्जस्स णं भंते ! कम्मस्स जीवेणं बद्धस्स 'पुटुस्स बद्ध-फास-पटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तद्भएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणाम पप्प कतिविहे अणुभावे पण्णत्ते ? गोयमा ! सायावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते, तं जहा- मणुण्णा सद्दा मणुण्णा रूवा मणुण्णा गंधा मणुण्णा रसा मणुण्णा फासा मणोसुहता वइसुहता' कायसुहता। जं वेइए पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं सातावेदणिज्जं कम्मं वेदेति । एस णं गोयमा ! सातावेदणिज्जे कम्मे। एस णं गोयमा ! सातावेयणिज्जस्स कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते ॥
अस्सातावेयणिज्जस्स णं भंते! कम्मस्स जीवेणं "बद्धस्स पृटुस्स बद्ध-फास-पस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियरस जीवेणं परिणामियस्स सयं वा उदिण्णस्स परेण वा उदीरियस्स तद्भएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणामं पप्प कतिविहे अणुभावे पण्णत्ते ? गोयमा ! अस्सातावेदणिज्जस्स णं कम्मस्स जीवेणं बद्धस्स जाव पोग्गलपरिणामं पप्प अट्ठविहे अणुभावे पण्णत्ते, तं जहा-अमणुण्णा सहा अमणण्णा रूवा अमणुण्णा गंधा अमणुण्णा रसा अमणुण्णा फासा मणोदुहता वइदहता कायदहता। जं वेएइ पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसि वा उदएणं असायावेयणिज्ज कम्म वेदेति । एस णं गोयमा ! असायावेदणिज्जे कम्मे । एस १. थीणगिद्धी (पु)।
भावे पण्णत्ते' इति पाठोस्ति तदनुसारेण २ "दसणावरणणाणी (ख,घ); दसणानाणी (ग)। 'कायसुहता, कायदुहता' एते द्वे पदे न स्तः । ३. तावि (क, घ)।
६. बतिसुहता (क, घ); वयसुहता (ख ग)। ४. सं० पा०-बद्धस्स जाव पोग्गलपरिणाम । ७. सं० पा०-तहेव पुच्छा उत्तरं च, णवरं५. 'ख' प्रतौ सातासातयोरालापके 'सत्तविहे अणु- अमणुण्णा सद्दा जाव कायदुहता।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |