Page Text
________________
तेवीस इमं कम्मपगडिपयं
२८५
दोसे दुविहे पण्णत्ते, तं जहा- कोहे य माणे य। इच्चेतेहिं चउहिं ठाणेहिं वीरिओवग्गहिएहिं' एवं खलु जीवे णाणावरणिज्ज कम्मं बंधति । एवं रइए जाव वेमाणिए॥
७. जीवा णं भंते ! णाणावरणिज्जं कम्म कतिहिं ठाणेहिं बंधंति ? गोयमा ! दोहिं ठाणेहि, एवं चेव । एवं णेर इया जाव वेमाणिया॥
८. एवं दसणावरणिज्जं जाव अंतराइयं । एवं एते एगत्त-पोहत्तिया सोलस दंडगा। कतिपयडिवेद-पदं
६. जीवे णं भंते ! णाणावरणिज्ज कम्मं वेदेति ? गोयमा ! अत्थेगइए वेदेति, अत्थेगइए णो वेदेति ॥
१०. णेरइए णं भंते ! णाणावरणिज्जं कम्मं वेदेति ? गोयमा ! णियमा वेदेति । एवं जाव वेमाणिए, णवर-मणसे जहा जीवे ।।
११. जीवा णं भंते ! णाणावरणिज्जं कम्मं वेदेति ? गोयमा ! एवं चेव । एवं जाव वेमाणिया॥
१२. एवं जाव णाणावरणिज्जंतहा दंसणावरणिज्जं मोहणिज्ज अंतराइयं च। वेदणिज्जाउय-णाम-गोयाइं एवं चेव, णवरं-मणूसे वि णियमा वेदेति । एवं एते एगत्त-पोहत्तिया सोलस दंडगा । कतिविधाणुभाव-पदं
१३. णाणावरणिज्जस्स णं भंते ! कम्मस्स जीवेणं बद्धस्स पुटुस्स बद्ध-फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स' जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणामं पप्प कतिविहे अणुभावे पण्णत्ते ? गोयमा ! णाणावरणिजस्स णं कम्मस्स जीवेणं बद्धस्स जाव पोग्गलपरिणामं पप्प दसविहे अणुभावे पण्णत्ते, तं जहा-सोयावरणे सोयाविण्णाणावरणे णेत्तावरणे णेत्तविण्णाणावरणे घाणावरणे घाणविण्णाणावरणे रसावरणे रसविण्णाणावरणे फासावरणे फासविण्णाणावरण। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं जाणियव्वं ण जाणइ, जाणिउकामे वि ण याणति, जाणित्ता वि ण याणति, उच्छण्णणाणी यावि भवति णाणावरणिज्जस्स कम्मस्स उदएणं। एस णं गोयमा ! णाणावरणिज्जे कम्मे । एस णं गोयमा ! णाणावरणिज्जस्स कम्मस्स जीवेणं बद्धस्स जाव पोग्गलपरिणामं पप्प दसविहे अणुभावे पण्णत्ते ॥
१४. दरिसणावरणिज्जस्स णं भंते ! कम्मस्स जीवेणं बद्धस्स' 'पुटुस्स वद्ध-फास-पुटुस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेणं वा उदीरियस्स तभएण वा उदीरिज्जमाणस्स गति पप्प ठिति पप्प भवं पप्प पोग्गलं पप्प पोग्गलपरिणाम १. वीरियउवग्गहिएहि (क)।
३. सं० पा०-बद्धस्स जाव पोग्गलपरिणाम । २. कतस्स (क, घ); कयस्स (ख, ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |