Page Text
________________
तेवीसइम कम्मपगडिपयं
२८९
परिणाम पप्प कतिविहे अणुभावे पण्णत्ते ? गोयमा ! णीयागोयस्स णं कम्मस्स जीवेणं बद्धस्स जाव पोग्गलपरिणामं पप्प अट्टविहे अणुभावे पण्णत्ते, तं जहा-जातिविहीणया कुलविहीणया बलविहीणया रूवविहीणया तवविहीणया सुयविहीणया लाभविहीणया इस्सरियविहीणया। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम तेसि वा उदएणं णीयागोयं कम्मं वेदेति । एस णं गोयमा ! णीयागोए कम्मे। एस णं गोयमा ! णीयागोयस्स कम्मस्स जीवेणं बद्धस्स जाव पोग्गलपरिणामं पप्प' अढविहे अणुभावे पण्णत्ते॥
२३. अंतराइस्स णं भंते ! कम्मरस जीवेणं "बद्धस्स पुटुस्स बद्ध-फास-पुट्ठस्स संचियस्स चियस्स उवचियस्स आवागपत्तस्स विवागपत्तस्स फलपत्तस्स उदयपत्तस्स जीवेणं कडस्स जीवेणं णिव्वत्तियस्स जीवेणं परिणामियस्स सयं वा उदिण्णस्स परेण वा उदीरियस्स तदुभएण वा उदीरिज्जमाणस्स गतिं पप्प ठिति पप्प भवं पप्प पोग्गलं पप्प पोग्गलपरिणाम पप्प कतिविहे अणुभावे पण्णत्ते ?° गोयमा ! अंतराइयस्स णं कम्मस्स जीवेणं बद्धस्स जाव पोग्गलपरिणामं पप्प पंचविहे अणुभावे पण्णत्ते, तं जहा-दाणंतराए लाभंतराए भोगंतराए उवभोगंतराए वीरियंतराए। जं वेदेति पोग्गलं वा पोग्गले वा पोग्गलपरिणामं वा वीससा वा पोग्गलाणं परिणाम, तेसिं वा उदएणं अंतराइयं कम्मं वेदेति । एस णं गोयमा! अंतराइए कम्मे । एस णं गोयमा ! अंतराइयस्स कम्मस्स जीवेणं वद्धस्स जाव पोग्गलपरिणामं पप्प पंचविहे अणुभावे पण्णत्ते॥
बीओ उद्देसो मूलोत्तरपयडिभेद-पदं
२४. कति णं भंते ! कम्मपगडीओ पण्णत्ताओ? गोयमा ! अट्ठ कम्मपगडीओ पण्णत्ताओ, तं जहा-णाणावरणिज्जं जाव अंतराइयं ॥
२५. णाणावरणिज्जे णं भंते पण्णत्ते ! कम्मे कतिविहे पण्णत्ते ? गोयमा ! पंचविहे पण्णत्ते, तं जहा–आभिणिवोहियणाणावरणिज्जे सुयणाणावरणिज्जे ओहिणाणावरणिज्जे मणपज्जवणाणावरणिज्जे केवलणाणावरणिज्जे ॥
२६. दरिसणावरणिज्जे णं भंते ! कम्मे कतिविहे पण्णत्ते ? गोयमा ! दुविहे पण्णत्ते, तं जहा-णिद्दापंचए य दंसणचउक्कए य ॥
२७. णिद्दापंचए णं भंते ! कतिविहे पण्णत्ते ? गोयमा ! पंचविहे पण्णत्ते, तं जहाणिद्दा जाव' थीणद्धी॥
२८. दंसणचउक्कए णं भंते ! ५ कतिविहे पण्णत्ते ?° गोयमा ! चउविहे पण्णत्ते, तं जहा-चक्खदंसणावरणिज्जे जाव केवलदसणावरणिज्जे॥
२६. वेयणिज्जे णं भंते ! कम्मे कतिविहे पण्णत्ते ? गोयमा ! दुविहे पण्णत्ते, तं १. सं० पा०-उदएणं जाव अट्टविहे ।
४. थोणगिद्ध (क), थीणगिद्धी (घ)। २ सं० पा०—पुच्छा ।
५. सं० पा०---पुच्छा। ३. प० २३/१४ ।
६.५०२३॥१४॥
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |