Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 333

२५६
पण्णवणासुत्तं __ ४१. धूमप्पभापुढविणेरइए णं पुच्छा। गोयमा ! णो इणठे समठे, विरतिं पुण लभेज्जा॥ ____ ४२. तमापुढविणेरइए णं पुच्छा । गोयमा ! णो इणठे समठे, विरयाविरतिं पुण लभेज्जा।
४३. अहेसत्तमाए पुच्छा। गोयमा ! णो इणठे समठे, सम्मत्तं पुण लभेज्जा।
४४. असुरकुमारे णं पुच्छा । गोयमा ! णो इणठे समठे, अंतकिरियं पुण करेज्जा। एवं निरंतरं जाव आउक्काइए।
४५. तेउक्काइए णं भंते ! तेउक्काइएहितो अणंतरं उव्वट्टित्ता 'तित्थगरत्तं लभेज्जा" ? गोयमा ! णो इणठे' समझें, केवलिपण्णत्तं धम्मं लभेज्जा सवणयाए । एवं वाउक्काइए वि॥
४६. वणप्फइकाइए णं पुच्छा। गोयमा ! णो इणठे समठे, अंतकिरियं पुण करेज्जा ।
४७. बेइंदिय-तेइंदिय-चरिदिए णं पुच्छा । गोयमा ! णो इणठे समठे, मणपज्जवणाणं पुण उप्पाडेज्जा॥
४८. पंचेंदियतिरिक्खजोणिय-मणूस-वाणमंतर-जोइसिए णं पुच्छा। गोयमा ! णो इणठे समठे, अंतकिरियं पुण करेज्जा।
४६. सोहम्मगदेवे णं भते ! अणंतरं चयं चइत्ता तित्थगरत्तं लभेज्जा ? गोयमा ! अत्थेगइए लभेज्जा, अत्थेगइए णो लभेज्जा । एवं जहा' रयणप्पभापुढविणेरइए । एवं जाव सव्वट्ठसिद्धगदेवे॥ चक्कवट्टि-पदं
५०. रयणप्पभापुढविणेरइए णं भंते ! अणंतरं उव्वट्टित्ता चक्कवट्टित्तं लभेज्जा ? गोयमा ! अत्थेगइए लभेज्जा, अत्थेगइए णो लभेज्जा।
५१. से केणठेणं भंते ! एवं वुच्चति ? गोयमा ! जहा' रयणप्पभापुढविणेरइयस्स
५२. सक्करप्पभापुढविणेरइए अणंतरं उव्वट्टित्ता चक्कवट्टित्तं लभेज्जा ? गोयमा ! णो इणठे समठे । एवं जाव अहेसत्तमापुढविणेरइए ।
५३. तिरिय-मणुएहिंतो पुच्छा । गोयमा ! णो इणठे समठे ।।
५४. भवणवइ-वाणमंतर-जोइसिय-वेमाणिएहितो पुच्छा । गोयमा ! अत्थेगइए लभेज्जा, अत्थेगइए नो लभेज्जा । बलदेव-पदं
५५. एवं बलदेवत्तं पि, णवरं-सक्करप्पभापुढविणेरइए वि लभेज्जा।
तित्थगरते ॥
१. उववज्जेज्जा (क,ख,ग,घ); अस्मिन् तीर्थकरद्वारे 'तित्थ गरत्तं लभेज्जा' इति प्रश्नसूचक: पाठः सर्वत्र साधारणोस्ति । पूर्वस्मिन् द्वारे 'उववज्जेज्जा' इति पदं साधरणमस्ति।
२. इणमठे (क)। ३. प० २०१३८,३६ । ४. प० २०१३९ ।