Page Text
________________
वीसइमं अंतकिरियापयं
२५५
३४. पंचेंदियतिरिक्खजोणिए णं भंते ! पंचिदियतिरिक्खजोणिएहितो अणंतरं उवट्टित्ता रइएसु उववज्जेज्जा ? गोयमा ! अत्थेगइए उववज्जेज्जा, अत्थेगइए णो उववज्जेज्जा। जे णं भंते ! उववज्जेज्जा से णं केवलिपण्णत्तं धम्मं लभेज्जा सवणयाए ? गोयमा ! अत्थेगइए लभेज्जा, अत्थेगइए णो लभेज्जा। जेणं केवलिपण्णत्तं धम्मं लभेज्जा सवणयाए से णं केवलं बोहिं बुज्झज्जा? गोयमा ! अत्थेगइए बुज्झज्जा, अत्थेगइए नो बुज्झेज्जा। जे णं भंते ! केवलं बोहिं बुज्झेज्जा से णं सद्दहेज्जा पत्तिएज्जा रोएज्जा ? हंता गोयमा' ! 'सदहेज्जा पत्तिएज्जा रोएज्जा। जे णं भंते ! सद्दहेज्जा पत्तिएज्जा रोएज्जा से णं आभिणिवोहियणाण-सुयणाण-ओहिणाणाणि उप्पाडेज्जा ? हंता गोयमा ! उप्पाडेज्जा।। जे णं भंते ! आभिणिवोहियणाण-सुयणाण-ओहिणाणाई उप्पाडेज्जा से णं संचाएज्जा सीलं वा' 'वयं वा गुणं वा वेरमणं वा पच्चक्खाणं वा पोसहोववासं वा पडिवज्जित्तए ? गोयमा ! णो इणठे समठे ॥ ____३५. एवं असुरकुमारेसु वि जाव थणियकुमारेसु । एगिदिय-विगलिदिएसु जहा' पुढविक्काइए पंचिदियतिरिक्खजोणिएसु मणूसेसु य जहाँ णेरइए। वाणमंतर-जोतिसियवेमाणिएसु जहाणेरइएसु उववज्जेज्जत्ति पुच्छाए भणियाए ।
३६. एवं मणूसे वि॥
३७. वाणमंतर-जोतिसिय-वेमाणिए जहा' असुरकुमारे ।। तित्थगर-पदं
३८. रयणप्पभापुढविणेरइए णं भंते ! रयणप्पभापुढविणेरइएहितो अणंतरं उव्वट्टित्ता तित्थगरत्तं लभेज्जा ? गोयमा ! अत्थेगइए लभेज्जा, अत्थेगइए णो ल भेज्जा।
३६. से केणठेणं भंते ! एवं वुच्चति-अत्थेगइए लभेज्जा, अत्थेगइए णो लभेज्जा? गोयमा ! जस्स णं रयणप्पभापुढविणेरइयस्स तित्थगरणाम-गोयाई कम्माइं बद्धाइं पुदाई कडाइं पट्टवियाई णिविट्ठाई अभिनिविट्ठाइं अभिसमण्णागयाइं उदिण्णाइं णो उवसंताई भवंति से णं रयणप्पभापुढविणेरइए रयणप्पभापुढविणेरइएहितो अणंतरं उव्वट्टित्ता तित्थगरत्तं लभेज्जा, जस्स णं रयणप्पभापुढविणेरइयस्स तित्थगरणाम-गोयाइं णो बद्धाइं जाव णो उदिण्णाई उवसंताई भवंति से णं रयणप्पभापुढविणेरइएहितो अणंतरं उव्वट्टित्ता तित्थगरत्तं णो लभेज्जा । से तेणठेणं गोयमा ! एवं वुच्चइ-अत्थेगइए लभेज्जा अत्थेगइए णो लभेज्जा। एवं जाव वालुयप्पभापुढविणेरइएहितो तित्थगरत्तं लभेज्जा ।।
४०. पंकप्पभापुढविणेरइए णं भते ! पंकप्पभापुढविणे रइएहितो अणंतरं उव्वट्टित्ता तित्थगरत्तं लभेज्जा ? गोयमा ! णो इणठे समठे। अंतकिरियं पुण करेज्जा।
..
१. सं० पा०-गोयमा जाव रोएज्जा। २.सं० १०-सीलं वा जाव पडिवज्जित्तए। ३. प० २०१२५ ।
४. प० २०११७,१८ । ५. प० २०१३४ । ६. प० २०१२०-२३ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |