Page Text
________________
२५४
पण्णवणासुत्तं
इणठे समठे । एवं आउ-वणप्फईसु वि ॥
२३. असुरकुमारे णं भंते ! असुरकुमारहितो अणंतरं उव्वट्टित्ता तेउ-वाउ-बेइंदियः तेइंदिय-चउरिदिएसु उववज्जेज्जा ? गोयमा ! णो इणठे समठे। अवसेसेसु पंचसु पंचेंदियतिरिक्खजोणियादिसु असुरकुमारे जहाणेरइए। एवं जाव थणियकुमारे॥
२४. पुढविकाइए णं भंते ! पुढविक्काइएहितो अणंतरं उव्वट्टित्ता णेरइएसु उववज्जेज्जा ? गोयमा ! णो इणठे समठे। एवं असुरकुमारेसु वि जाव थणियकुमारेसु वि॥
२५. पुढविक्काइए णं भंते ! पुढविक्काइएहितो अणंतरं उवट्टित्ता पुढविक्काइएसु उववज्जेज्जा ? गोयमा ! अत्थेगइए उववज्जेज्जा, अत्थेगइए णो उववज्जेज्जा। जे णं भंते ! उववज्जेज्जा से णं केवलिपण्णत्तं धम्मं लभेज्जा सवणयाए ? गोयमा ! णो इणठे समठे। एवं आउक्काइयादीसु णिरंतरं भाणियव्वं जाव चरिदिएसु । पंचेंदियतिरिक्खजोणिय-मणूसेसु जहा' णेरइए । वाणमंतर-जोइसिय-वेमाणिएसु पडिसेहो ।
२६. एवं जहा पुढविक्काइओ भणिओ तहेव आउक्काइओ वि वणप्फइकाइओ वि भाणियव्वो॥
२७. तेउक्काइए णं भंते ! तेउक्काइएहितो अणंतरं उव्वट्टित्ता णेरइएसु उववज्जेज्जा ? गोयमा ! णो इणठे समठे । एवं असुरकुमारेसु वि जाव थणियकुमारेसु वि।
२८. पुढविक्काइय-आउ-तेउ-वाउ-वणस्सइ-बेइंदिय-तेइंदिय-चरिदिएसु अत्थेगइए उववज्जेज्जा, अत्थेगइए णो उववज्जेज्जा। जे णं भंते ! उववज्जेज्जा से णं केवलिपण्णत्तं धम्म लभेज्जा सवणताए ? गोयमा ! नो इणठे समझें ॥
२९. तेउक्काइए णं भंते ! तेउक्काइएहितो अणंतरं उव्वट्टित्ता पंचेंदियतिरिक्खजोणिएसु उववज्जेज्जा ? गोयमा ! अत्थेगइए उववज्जेज्जा, अत्थेगइए णो उववज्जेज्जा। जे णं भंते ! उववज्जेज्जा से णं केवलिपण्णत्तं धम्मं लभेज्जा सवणयाए ? गोयमा ! अत्थेगइए लभेज्जा, अत्थेगइए णो लभेज्जा।... जे णं भते ! केवलिपण्णत्तं धम्म लभेज्जा सवणयाए से णं केवलं बोहिं बुज्झेज्जा ? गोयमा ! णो इणठे समठे।
३०. मणूस-वाणमंतर-जोइसिय-वेमाणिएसु पुच्छा । गोयमा ! णो इणठे समझें। ३१. एवं जहेव ते उक्काइए णिरंतरं एवं वाउक्काइए वि ॥
३२. बेइंदिए णं भंते ! बेइंदिएहितो अणंतरं उव्वट्टित्ता णेरइएसु उववज्जेज्जा ? गोयमा ! जहा पुढविक्काइए, णवरं-मणूसेसु जाव मणपज्जवणाणं उप्पाडेज्जा ॥
३३. एवं तेइंदिय-चउरिदिया वि जाव मणपज्जवनाणं उप्पाडेज्जा। जे णं भंते ! मणपज्जवनाणं उप्पाडेज्जा से णं केवलणाणं उप्पाडेज्जा ? गोयमा ! णो इणठे समझें ॥
१. प० २०११७-१६ । २. प० २०११७,१८ ।
३. सवणयाते (ख)। ४. प० २०१२४,२५।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |