Page Text
________________
२३०
लेस्साणं परिणति-पदं
११५. सेणू भंते ! कण्हलेस्सा णीललेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो - भुज्जो परिणमति ? हंता गोयमा ! कण्हलेस्सा णीलले सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो - भुज्जो परिणमति ॥
११६. से केणट्ठेणं भंते ! एवं वच्चति - कण्हलेस्सा णीललेस्सं पप्प तारूवत्ताए जाव भुज्जो - भुज्जो परिणमति ? गोयमा ! से जहाणामए - खीरे 'दूसि पप्प" सुद्ध े वा वत्थे रागं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो - भुज्जो परिणमति । से तेणट्ठेणं गोयमा ! एवं वुच्चइ - कण्हलेस्सा णीललेस्सं पप्प तारूवत्ताए जव भुज्जो - भुज्जो परिणमति ॥
११७. एवं' एतेणं अभिलावेणं णीललेस्सा काउलेस्सं पप्प, काउलेस्सा तेउलेस्सं पप्प तेउलेस्सा पम्हलेस्सं पप्प, पम्हलेस्सा सुक्कलेस्सं पप्प जाव भुज्जो - भुज्जो परिणमति ॥
११८. से णूणं भंते ! कण्हलेस्सा णीललेस्सं काउलेस्सं तेउलेस्सं पहले सं सुक्कलेस्सं पप्प तारूवत्ताए तावण्णत्ताए तागंधत्ताए तारसत्ताए ताफा सत्ताए भुज्जो - भुज्जो परिणमति ? हंता गोयमा ! कण्हलेस्सा णीललेस्सं जाव सुक्कलेस्सं पप्प तारूवत्ताए तावण्णत्ताए तागंधत्ताए तारसत्ताए ताफासत्ताए भुज्जो - भुज्जो परिणमति ॥
११६. से केणट्ठेणं भंते ! एवं वुच्चति - किण्हलेस्सा णीललेस्सं जाव सुक्कले सं पप्प तारूवत्ताए जाव भुज्जो - भुज्जो परिणमति ? गोयमा ! से जहाणामए - वेरुलियमणी सिया कण्हसुत्तएर वा णीलसुत्तए वा लोहियसुत्तए वा हालिदसुत्तए वा सुक्किलसुत्तए वा आइए समाणे तारूवत्ताए जाव भुज्जो भुज्जो परिणमति । से तेणट्ठेणं गोयमा ! एवं बुच्चइ - किहलेस्सा णीललेस्सं जाव सुक्कलेस्सं पप्प तारूवत्ताए जाव भुज्जो - भुज्जो परिणमति ॥
पण्णवणासुत्त
१२०. से भंते ! णीललेस्सा किण्हलेस्सं जाव सुक्कलेस्सं पप्प तारूवत्ताए जाव णूण भुज्जो - भुज्जो परिणमति ? हंता गोयमा ! एवं चैव ॥
१२१. एवं काउलेस्सा कण्हलेस्सं णीललेस्सं तेउलेस्सं पम्हलेस्सं सुक्कलेस्सं, एवं तेलेस्सा किण्हलेस णोललेसं काउलेस्सं पम्हलेस्सं सुक्कलेस्सं, एवं पम्हलेस्सा कण्हलेसं णीललेस काउलेसं तेउलेसं सुक्कलेस्सं 'पप्प जाव भुज्जो भुज्जो परिणमति ? हंता गोयमा ! तं चेव" ॥ १२२. से णूणं भंते! सुक्कलेस्सा किण्हलेस्सं णीललेस्सं काउलेस्सं तेउलेस्सं पहले संपप्प जाव भुज्जो - भुज्जो परिणमति ? हंता गोयमा ! तं चैव ॥
वण्ण-पदं
१२३. कण्हलेस्सा णं भंते ! वण्णेणं केरिसिया पण्णत्ता ? गोयमा ! से जहाणामए
१. दूरं पप्प ( ख, ग, घ ) ।
२. एवं नीललेश्या कापोतलेश्यां प्राप्येत्यादीन्यपि
चत्वारि सूत्राणि भावनीयानि ( मवृ ) ।
Jain Education International
३. कण्ह (क) ।
४. सुविकल्ल° ( ग ) ।
५. x (घ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |