Page Text
________________
सत्तरसम लेस्सापयं
२२६
११०. काउलेसे णं भंते ! णेरइए णीललेस्सं णेरइयं पणिहाए ओहिणा सव्वओ समंता समभिलोएमाणे समभिलोएमाणे केवतियं खेत्तं जाणइ ? केवतियं खेत्तं पासइ ? गोयमा ! बहुतरागं खेत्तं जाणइ बहुतरागं खेत्तं पासई', 'दूरतरागं खेत्तं जाणति दूरतरागं खेत्तं पासति, वितिमिरतरागं खेत्तं जाणति वितिमिरतरागं खेत्तं पासति, विसुद्धतरागं खेत्तं जाणति° विसुद्धतरागं खेत्तं पासइ ॥
१११. से केणठेणं भंते ! एवं वुच्चति -काउलेसे णं णेरइए जाव विसुद्धतरागं खेत्तं पासति ? गोयमा ! से जहाणामए-केइ पुरिस बहुसमर णिज्जाओ भूमिभागाओ पव्वतं दुरुहति, दुरुहित्ता रुक्खं दुरुहति, दुरुहित्ता दो वि पादे उच्चाविय' सव्वओ समंता समभिलोएज्जा, तए णं से पुरिसे पव्वतगयं धरणितलगयं च पुरिसं पणिहाए सव्वओ समंता समभिलोएमाणे-समभिलोएमाणे बहुतरागं खेत्तं जाणति बहुतरागं खेत्तं पासति 'जाव विसुद्धतरागं" खेत्तं पासति । से तेणठेणं गोयमा ! एवं वुच्चति-काउलेस्से णं णेरइए णीललेस्सं णेरइयं पणिधाए तं चेव 'जाव बिसुद्धतरागं" खेत्तं पासति ॥ णाण-पदं ___ ११२. कण्हलेस्से णं भंते ! जीवे कतिसु णाणेसु होज्जा ? गोयमा ! दोसु वा तिसु वा चउसु वा णाणेसु होज्चा-दोसू होमाणे आभिणिबोहिय-सूयणाणेसू होज्जा, तिसू होमाणे आभिणिबोहिय-सुयणाण-ओहिणाणेसु होज्जा, अहवा तिसु होमाणे आभिणिवोहिय-सुयणाणमणपज्जवणाणेसु होज्जा, चउसु होमाणे आभिणिवोहियणाण-सुयणाण-ओहिणाण-मणपज्जवणाणेसु होज्जा । एवं जाव पम्हलेस्से ॥
११३. सुक्कलेस्से णं भंते ! जीवे कतिसु णाणेसु होज्जा ? गोयमा ! दोसु वा तिसु वा चउसु वा एगम्मि वा होज्जा-दोसु होमाणे आभिणिबोहियणाण-' 'सुयणाणेसु होज्जा, तिसु होमाणे आभिणिबोहिय-सुयणाण-ओहिणाणेसु होज्जा, अहवा तिसु होमाणे आभिणिबोहिय-सुयणाण-मणपज्जवणाणेसु होज्जा, चउसु होमाणे आभिणिबोहियणाण-सुयणाण-ओहिणाण-मणपज्जवणाणेसु होज्जा, एगम्मि होमाणे एगम्मि केवलणाणे होज्जा ।
चउत्थो उद्देसओ गाहा
परिणाम १ वण्ण २ रस ३ गंध ४, सुद्ध ५ अपसत्थ ६ संकिलिठ्ठण्हा ७, ८ ।
गति ६ परिणाम १० पदेसावगाह ११,१२ वग्गण १३ ठाणाणमप्पबहुं १४,१५ ॥१॥ लेस्सा -पदं
११४. कति णं भंते ! लेस्साओ पण्णत्ताओ ? गोयमा ! छल्लेसाओ पण्णत्ताओ, तं जहा–कण्हलेस्सा जाव सुक्कलेस्सा ॥ १. सं० पा०-पासइ जाव विसुद्धतरागं।
जावविसुद्धतरागं खेत्तं पासति' तथा अत्रापि २. उच्चाविया (ग); उच्चावइत्ता (मवृ) ।
स एव पाठः संगतोस्ति । ३. जाव वितिमिरतरागं (क,ख,ग); x (घ); ४. वितिमिरतरागं (क,ख,ग,घ)। 'जाव' पदस्य प्रयोगे बहुवारं यथा पाठस्य ५. सं० पा०-आभिणिबोहियणाण एवं जहेव अशुद्धिर्भवति तथा अत्रापि विद्यते। यथोपरि- कण्हलेस्साणं तहेव भाणियव्वं जाव चउहि ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |