Page Text
________________
२२८
पण्णवणासुत्तं जोणिएसु उववज्जति; सिय कण्हलेस्से उब्वट्टति जाव सिय सुक्कलेस्से उव्वट्टति, सिय जल्लेसे उववज्जति तल्लेसे उव्वट्टति । एवं मणूसे वि ।।
१०५. वाणमंतरे जहा असुरकुमारे। जोइसिय-वेमाणिए वि एवं चेव, णवरं-जस्स जल्लेसा। दोण्ह वि चयणं ति भाणियव्वं ॥ कण्हाइलेस्सेसु नेरइएसु ओहिखेत्त-पदं
१०६. कण्हलेस्से णं भंते ! णेरइए कण्हलेस्सं णेरइयं पणिहाए ओहिणा सव्वओ समंता समभिलोएमाणे'-समभिलोएमाणे केवतियं खेत्तं जाणति ? केवतियं खेत्तं पासति ? गोयमा ! णो बयं खेत्तं जाणति णो बहयं खेत्तं पासति, णो दूरं खेत्तं जाणति णो दूर खेत्तं पासति, इत्तरियमेव खेत्तं जाणति इत्तरियमेव खेत्तं पासति ॥
१०७. से केणठेणं भंते ! एवं वुच्चति-कण्हलेसे णं णेरइए' 'कण्हलेस्सं णेरइयं पणिहाए ओहिणा सव्वओ समंता समभिलोएमाणे-सम भिलोएमाणे णो बयं खेत्तं जाणति णो वहुयं खेत्तं पासति, णो दूरं खेत्तं जाणति णो दूरं खेत्तं पासति, इत्तरियमेव खेत्तं जाणति' इत्तरियमेव खेत्तं पासति ? गोयमा ! से जहाणामए- केइ पुरिसे बहुसमरमणिज्जंसि भूमिभागंसि ठिच्चा सव्वओ समंता समभिलोएज्जा, तए णं से पुरिसे धरणितलगतं पुरिसं पणिहाए सव्वओ समंता समभिलोएमाणे-समभिलोएमाणे णो बहुयं खेत्तं 'जाणति णो बहुयं खेत्तं पासति, णो दूरं खेत्तं जाणति णो दूरं खेत्तं पासति, इत्तरियमेव खेत्तं जाणति' इत्तरियमेव खेत्तं पासति । से तेणठेणं गोयमा ! एवं वुच्चति-कण्हलेसे णं णेरइए' कण्हलेस्सं रइयं पणिहाए ओहिणा सव्वओ समंता सम भिलोएमाणे-समभिलोएमाणे णो बहुयं खेत्तं जाणति णो बहुयं खेत्तं पासति, णो दूरं खेत्तं जाणति णो दूरं खेत्तं पासति, इत्तरियमेव खेत्तं जाणति इत्तरियमेव खेत्तं पासति ॥
१०८. णीललेसे णं भंते ! णेरइए कण्हलेसं णेरइयं पणिहाए ओहिणा सव्वओ समंता समभिलोएमाणे-समभिलोएमाणे केवतियं खेत्तं जाणइ ? केवतियं खेत्तं पासइ ? गोयमा ! बहुतरागं खेत्तं जाणति बहुतरागं खेत्तं पासति, दूरतरागं खेत्तं जाणइ दूरतरागं खेत्तं पासति, वितिमिरतरागं खेत्तं जाणइ वितिमिरतराग खेत्तं पासइ, विसुद्धतरागं खेत्तं जाणति विसुद्धतरागं खेत्तं पासति ॥
१०६. से केणढेणं भंते ! एवं वुच्चति-णीललेस्से णं णेरइए कण्हलेस्सं णेरइयं पणिहाए जाव विसुद्धतरागं खेत्तं पासइ ? गोयमा ! से जहाणामए-केइ पुरिसे बहुसमरमणिज्जाओ भूमिभागाओ पव्वयं दुरुहति', दुरुहित्ता सव्वओ समंता समभिलोएज्जा, तए णं से पुरिसे धरणितलगयं पुरिसं पणिहाए सव्वओ समता समभिलोएमाणे-समभिलोएमाणे बहतरागं खेत्तं जाणइ जाव विसुद्धतरागं खेत्तं पासति । से तेणठेणं" गोयमा ! एवं वुच्चति-णीललेस्से णेरइए कण्हलेसं णेरइयं पणिहाए जाव विसुद्धतरागं खेत्तं पासति ॥ १. समभिलोतेमाणे (क)।
६. सं० पा०-णेरइए जाव इत्तरिय । २. इतिरियमेव (घ)।
७. पणिहाय (ग)। ३. सं० पा०-णेरइए तं चेव जाव इत्तरिय°। ८. बहुतरगं (ख)। ४. केति (क,ख,घ)।
६. दुरूहति (ग)। ५. सं० पा०-खेत्तं जाव पासति जाव इत्तरिय। १०. एणठेणं (घ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |