________________
सत्तरसमं लेस्सापयं
२२७
६५. से णूणं भंते ! तेउलेस्से पुढविक्काइए तेउलेस्सेसु पुढविक्काइएसु उववज्जइ ? पुच्छा। हंता गोयमा ! तेउलेसे पुढविकाइए तेउलेसेसु पुढविक्काइएसु उववज्जति; सिय कण्हलेसे उव्वट्टति, सिय णीललेसे उव्वट्टति, सिय काउलेसे उव्वदृति ; तेउलेसे उववज्जति, णो चेव णं तेउलेस्से उव्वति ॥
६६. एवं आउक्काइय-वणप्फइकाइया वि । तेऊ वाऊ एवं चेव, णवरं-एतेसिं तेउलेस्सा णत्थि । बि-तिय-चरिदिया एवं चेव
६७. पंचेंदियतिरिक्खजोणिया मणूसा य जहा' पुढविक्काइया आदिल्लियासु तिसु लेस्सासु भणिया तहा छसु वि लेसासु भाणियव्वा, णवरं-छप्पि लेसाओ चारियव्वाओ।।
६८. वाणमंतरा जहा असुरकुमारा।
६६. से णूणं भंते ! तेउलेसे जोइसिए तेउलेसेसु जोइसिएसु उववज्जति ? जहेव असुरकुमारा । एवं वेमाणिया वि, णवरं दोण्ह वि चयंतीति अभिलावो॥ विभागेणं उववाय-उव्वट्टणा-पदं
१००. से णणं भंते ! कण्हलेस्से णीललेस्से काउलेस्से णेरइए कण्हलेस्सेसु णीललेस्सेसु काउलेस्सेसु णेरइएसु उववज्जति ? कण्हलेस्से णीललेस्से काउलेस्से उव्वट्टति ? जल्लस्से उववज्जति तल्लेसे उव्वट्टति ? हंता गोयमा ! कण्हलेस्स-णीललेस्स-काउलेस्सेसु उववज्जति, जल्लेसे उववज्जति तल्लेसे उव्वट्टति ।।
१०१. से णूणं भंते ! कण्हलेस्से जाव तेउलेस्से असुरकुमारे कण्हलेस्सेसु जाव तेउलेस्सेसु असुरकुमारेसु उववज्जति ? एवं जहेव नेरइए तहा असुरकुमारे वि जाव थणियकुमारे वि ॥
१०२. से णूणं भंते ! कण्हलेस्से जाव तेउलेस्से पुढविकाइए कण्हलेस्सेसु जाव तेउलेस्सेसु पुढविक्काइएसु उववज्जति ? एवं पुच्छा जहा असुरकुमाराणं । हंता गोयमा ! कण्हलेस्से जाव तेउलेस्से पुढविक्काइए कण्हलेस्सेसु जाव तेउलेस्सेसु पुढविक्काइएसु उववज्जति; सिय कण्हलेस्से उव्वट्टति सिय णीललेसे सिय काउलेस्से उव्वट्टति, सिय जल्लेस्से उववज्जति तल्लेसे उव्वट्टति, तेउलेसे उववज्जति, णो चेव णं तेउलेस्से उव्वट्टति । एवं आउक्काइय-वणप्फइकाइया वि भाणिययव्वा ॥
१०३. से णणं भंते ! कण्हलेस्से णीललेस्से काउलेस्से ते उक्काइए कण्हलेसेसु णीललेसेसु काउलेसेसु ते उक्काइएसु उववज्जति ? कण्हलेसे णीललेसे काउलेसे उव्वट्टति ? जल्लेसे उववज्जति तल्लेसे उव्वट्टति ? हंता गोयमा ! कण्हलेस्से णीललेस्से काउलेस्से तेउक्काइए कण्हलेसेसु णीललेसेसु काउलेसेसु तेउक्काइएसु उववज्जति; सिय कण्हलेसे उन्वट्टति, सिय णीललेसे सिय काउलेस्से उव्वट्टति; सिय जल्लेसे उववज्जति तल्लेसे उव्वट्टति । एवं वाउक्काइया बेइंदिय-तेइंदिय-चरिदिया वि भाणियव्वा ॥
१०४. से णणं भंते ! कण्हलेसे जाव सुक्कलेसे पंचेंदियतिरिक्खजोणिए कण्हलेसेसु जाव सुक्कलेसेसु पंचेंदियतिरिक्खजोणिएसु उववज्जति ? पुच्छा । हंता गोयमा ! कण्हलेस्से जाव सुक्कलेस्से पंचेंदियतिरिक्खजोणिए कण्हलेस्सेसु जाव सुक्कलेस्सेसु पंचेंदियतिरिक्ख
१. ५० १७१६४।
Jain Education International
For Private & Personal Use Only
www.jainelibrary.org