Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 273

१६६
पण्णवणासुत्तं
तसकाएणं फुडे ? अद्धासमएणं फुडे ? गोयमा ! धम्मत्थिकाएणं फुडे, णो धम्मत्थिकायस्स देसेणं फुडे, धम्मत्थिकायस्स पदेसे हि फुडे । एवं अधम्म त्थिकाएण वि। णो आगासत्थिकाएणं फुडे, आगासत्थिकायस्स देसेणं फुडे, आगासत्थिकायस्स पदेसेहिं फुडे जाव वणप्फइकाइएणं फुडे । तसकाएणं सिय फुडे, सिय णो फुडे । अद्धासमएणं देसे फुडे, देसे णो फुडे । दीवोदहिदारे फुड-पदं
५४. जंबुद्दीवे णं भंते ! दीवे किणा फुडे ? कतिहिं वा काएहिं फुडे-किं धम्मत्थिकाएणं जाव आगास त्थिकाएणं फुडे ? गोयमा ! णो धम्मत्थिकाएणं फुडे, धम्मत्थिकायस्स देसेणं फडे, धम्मत्थिकायस्स पएसेहि फडे। एवं अधम्मत्थिकायस्स वि आगासत्थिकायस्स वि। पुढविकाइएणं फुडे जाव वणप्फइकाइएणं फुडे । तसकाएणं सिय फुडे सिय णो फुडे । अद्धासमएणं फुडे ॥
५५. एवं लवणसमुद्दे धायइसंडे दीवे कालोए समुद्दे अभितरपुक्खरद्धे । बाहिरपुक्खरद्धे एवं चेव, णवरं-अद्धासमएणं णो फुडे । एवं जाव सयंभुरमणे समुद्दे । एसा परिवाडी इमाहिं गाहाहिं अणुगंतव्वा, तं जहा
जंबुद्दीवे लवणे, धायइ कालोय पुक्खरे वरुणे । खीर घत खोत नंदि य, अरुणवरे कुंडले रुयए ॥१॥ आभरण-वत्थ-गंधे, उप्पल-तिलए' य पुढवि-णिहि-रयणे । वासहर-दह-नदीओ, विजया वक्खार-कप्पिदा ॥२॥ कुरु-मंदर-आवासा, कूडा णक्खत्त-चंद-सूरा य ।
देवे णागे जक्खे, भूए य सयंभुरमणे य ॥३॥ एवं जहा बाहिरपुक्खरद्धे भणितं तहा जाव सयंभुरमणे समुद्दे जाव अद्धासमएणं णोफुडे ।। लोगदारे फुड-पदं
५६. लोगे णं भंते ! किणा फुडे ? कतिहिं वा काएहिं ? जहा आगासथिग्गले ।। अलोगदारे फुड-पदं
५७. अलोए णं भंते ! किणा फुडे ? कतिहिं वा काएहिं पुच्छा। गोयमा ! णो धम्मत्थिकाएणं फूडे जाव णो आगासत्थिकाएणं फूडे, आगासत्थिकायस्स देसेणं फडे, आगासत्थिकायस्स पदेसेहिं फुडे । णो पुढविक्काइएणं फुडे जाव णो अद्धासमएणं फुडे। एगे अजीवदव्वदेसे अगरुलहुए अणंतेहिं अगरुलहुयगुणेहिं संजुत्ते सव्वागासे अणंतभागूणे॥
२. अगुरु° (ग)।
१. पउम (मवृ); अनुयोगद्वारे (१८५) सूत्रे 'तिलए' पदस्यस्थाने 'पउमे' इति पाठान्तरं लभ्यते ।