Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 274

पनरसमं इंदियपयं
१६७
बीओ उद्देसो गाहा
१ इंदिय-उवचय २ णिव्वत्तणा य ३ समया भवे असंखेज्जा। ४ लद्धी ५ उवओगद्धा, ६ अप्पाबहए विसेसहिया' ।।१।। ७ ओगाहणा ८ अवाए ह ईहा तह १० वंजणोग्गह चेव ।
११ दविदिय १२ भाविदिय, तीया बद्धा पुरेक्खडिया ॥२।। इंदियाणं उवचय-पदं
५८. कतिविहे णं भंते ! इंदिओवचए पण्णत्ते ? गोयमा ! पंचविहे इंदिओवचए पण्णत्ते, तं जहा---सोइंदिओवचए' चक्खिदिओवचए घाणिदिओवचए जिभिदिओवचए फासिदिओवचए॥
५६. णेरइयाणं भंते ! कतिविहे इंदिओवचए पण्णत्ते ? गोयमा ? पंचविहे इंदिओवचए पण्णत्ते, तं जहा--सोइंदिओवचए जाव फासिदिओवचए। एवं जाव वेमाणियाणं । जस्स जइ इंदिया तस्स तइविहो चेव इंदिओवचयो भाणियन्वो।। निव्वत्तणा-पदं
६०. कतिविहा णं भंते ! इंदियनिव्वत्तण। पण्णत्ता ? गोयमा ? पंचविहा इंदियनिव्वत्तणा पण्णत्ता, तं जहा-सोइंदियनिव्वत्तणा जाव फासिदियनिव्वत्तणा । एवं नेरइयाणं जाव वेमाणियाणं, नवरं-जस्स जतिदिया अत्थि ।। निव्वत्तणासमय-पदं
६१. सोइंदियणिव्वतणा णं भंते ! कतिसमइया पण्णत्ता? गोयमा? असंखिज्जसमइया अंतोमुहुत्तिया पण्णत्ता। एवं जाव फासिदियनिव्वत्तणा । एवं नेरइयाणं जाव वेमाणियाणं॥ लद्धि-पदं
६२. कतिविहा णं भंते ! इंदियलद्धी पण्णत्ता ? गोयमा ! पंचविहा इंदियलद्धी पण्णत्ता, तं जहा-सोइंदियलद्धी जाव फासिदियलद्धी । एवं णेरइयाणं जाव वेमाणियाणं, नवरं-जस्स जति इंदिया अत्थि तस्स तावतिया लद्धी भाणियव्वा ।। उवओगद्धा-पदं
६३. कतिविहा णं भंते ! इंदियउवओगद्धा पण्णत्ता ? गोयमा ! पंचविहा इंदियउवओगद्धा पण्णत्ता, तं जहा--सोइंदियउवओगद्धा जाव फासिदियउवओगद्धा। एवं जरइयाणं जाव वेमाणियाणं, नवरं-- जस्स जति इंदिया अत्थि ।। उवओगद्ध-अप्पाबहुय-पदं
६४. एतेसि णं भंते ! सोइंदिय-चक्खिदिय-घाणिदिय-जिभिदिय-फासिंदियाणं जहणियाए उवओगद्धाए उक्कोसियाए उवओगद्धाए जहण्णुक्कोसियाए उवओगद्धाए कतरे कतरेहितो अप्पा वा बहुया वा सुल्ला वा विसेसाहिया वा ? गोयमा ! सव्वत्थोवा चक्खिदियस्स जहणिया उवओगद्धा, सोइंदियस्स जहणिया विसेसाहिया, घाणिदियस्स
१. °साहिया (ख,घ)।
२. °चते (ख,घ)।