Page Text
________________
पनरसमं इंदियपयं
१६१ कक्खडगरुयगुणाणं मउयलहयगुणाणं कक्खडगरुयगुणमउयलहयगणाण य कतरे कतरेहितो अप्पा वा बहुया वा तुल्ला वा विसेसाहिया वा? गोयमा ! सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिदियस्स कक्खडगरुयगुणा अणंतगुणा; मउयलहुयगुणाणं-सव्वत्थोवा फासिं दियस्स मउयलहुयगुणा, जिभिदियस्स मउयलहुयगुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणंतगुणा, चविखदियस्स म उयलहुयगुणा अणंतगुणा; कक्खडगरुयगुणाणं मउयलहुयगुणाण य--सव्वत्थोवा चक्खिदियस्स कक्खडगरुयगुणा, सोइंदियस्स कक्खडगरुयगुणा अणंतगुणा, घाणिदियस्स कक्खडगरुयगुणा अणंतगुणा, जिभिदियस्स कक्खडगरुयगुणा अणंतगुणा, फासिदियस्स कक्खडगरुयगुणा अणंतगुणा, फासिंदियस्स कक्खडगरुयगुणेहिंतो तस्स चेव मउयलहुयगुणा अणंतगुणा, जिभिदियस्स मउयलहुयगुणा अणंतगुणा, घाणिदियस्स मउयलहुयगुणा अणंतगुणा, सोइंदियस्स मउयलहुयगुणा अणंतगुणा, चक्खिदियस्स मउयलहुयगुणा अणंतगुणा ॥ चउवीसदंडएसु संठाणाइ-पदं
१७. णेरइयाणं भंते ! कति इंदिया पण्णत्ता ? गोयमा ! पंचेंदिया पण्णत्ता, तं जहा-- सोइंदिए जाव फासिदिए ।
१८. णेरइयाणं भंते ! सोइंदिए किसंठिए पण्णत्ते? गोयमा ! कलंबुयासंठाणसंठिए पण्णत्ते । एवं जहा ओहियाणं वत्तव्वया भणिया तहेव णेरइयाणं पि जाव' अप्पाबहुयाणि दोण्णि वि, णवरं--णेरइयाणं भंते ! फासिदिए किसंठिए पण्णत्ते ? गोयमा ! दुविहे पण्णत्ते, तं जहा--भवधारणिज्जे य उत्तरवेउव्विए य। तत्थ णं जेसे भवधारणिज्जे से णं हुंडसंठाणसंठिए पण्णत्ते । तत्थ णं जेसे उत्तरवेउव्विए से वि तहेव । सेसं तं चेव ॥
१६. असुरकुमाराणं भंते ! कति इंदिया पण्णत्ता ? गोयमा ! पंचेंदिया पण्णत्ता। एवं जहा ओहियाणं जाव अप्पाबहुयाणि दोण्णि वि, णवरं--फासेंदिए दुविहे पण्णत्ते, तं जहा--भवधारणिज्जे य उत्तरवेउव्विए य । तत्थ णं जेसे भवधारणिज्जे से णं समचउरंससंठाणसंठिए पण्णत्ते । तत्थ णं जेसे उत्तरवेउव्विए से णं णाणासंठाणसं ठिए पण्णत्ते । सेसं तं चेव । एवं जाव थणियकुमाराणं ।।
२०. पुढविकाइयाणं भंते ! कति इंदिया पण्णत्ता ? गोयमा ! एगे फासिदिए पण्णत्ते ॥
२१. पुढविकाइयाणं भंते । फासिदिए किंसंठिए' पण्णत्ते ? गोयमा ! मसूरचंदसंठाणसंठिए पण्णत्ते॥
२२. पुढविकाइयाणं भंते ! फासिदिए केवतियं बाहल्लेणं पण्णत्ते ? गोयमा ! अंगुलस्स असंखेज्जइभागं वाहल्लेणं पण्णत्ते ।।
२३. पुढविकाइयाणं भंते ! फासिदिए केवतियं पोहत्तेणं पण्णत्ते गोयमा ! सरीरपमाणमेत्ते पोहत्तणं पण्णत्ते ॥
१. प० १५२-१६ ।
२. कि संठाणसंठिए (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |