Page Text
________________
१६०
पण्णवणासुत्तं
५. जिभिदिए णं पुच्छा । गोयमा ! खुरप्पसंठाणसंठिए पण्णत्ते ।।
६. फासिं दिए णं पुच्छा । गोयमा ! णाणासंठाणसंठिए पण्णत्ते । बाहल्ल-पदं
७. सोइंदिए णं भंते ! केवतियं बाहल्लेणं पण्णत्ते ? गोयमा ! अंगुलस्स असंखेज्जतिभागं' बाहल्लेणं पण्णत्ते एवं जाव फासिदिए ।। पोहत्त-पदं
८. सोइंदिए णं भंते ! केवतियं पोहत्तेणं पण्णत्ते ? गोयमा ! अंगुलस्स असंखेज्जतिभागं पोहत्तेणं पण्णत्ते । एवं चक्खिदिए वि घाणिदिए वि ॥
६. जिभिदिए णं पुच्छा । गोयमा ! अंगुलपुहत्तं पोहत्तेणं पण्णत्ते॥
१०. फासिदिए णं पुच्छा । गोयमा ! सरीरपमाणमेत्ते पोहत्तेणं पण्णत्ते ।। कतिपएस-पदं
११. सोइंदिए णं भंते ! कतिपएसिए पण्णत्ते ? गोयमा ! अणंतपएसिए पण्णत्ते । एवं जाव फासिदिए। ओगाढ-पदं
१२. सोइंदिए णं भंते ! कतिपएसोगाढे पण्णत्ते ? गोयमा ! असंखेज्जपएसोगाढे पण्णत्ते । एवं जाव फासिदिए॥ अप्पाबहुय-पदं
१३. एएसि णं भंते! सोइंदिय-चक्खिदिय-घाणिदिय-जिभिदिय-फासिदियाण ओगाहणट्ठयाए पएसट्टयाए ओगाहण-पएसट्टयाए कतरे कतरेहितो अप्पा वा बहुथा वा तुल्ला वा विसेसाहिया वा ? गोयमा ! सव्वत्थोवे चक्खिदिए ओगाहणट्ठयाए, सोइंदिए ओगाहणट्ठयाए संखेज्जगुणे, घाणिदिए ओगाहणट्ठयाए संखेज्जगुणे, जिभिदिए ओगाहणट्ठयाए असंखेज्जगुणे, फासिदिए ओगाहणट्टयाए संखेज्जगुणे; पएसट्टयाए-सव्वत्थोवे चक्खिदिए पएसट्टयाए, सोइंदिए पएसट्ठयाए संखेज्जगुणे, घाणि दिए पएसट्टयाए संखेज्जगुणे, जिभिदिए पएसट्टयाए असंखेज्जगुणे, फासिदिए पएसट्टयाए संखेज्जगुणे; ओगाहण-पएसट्ठयाएसव्वत्थोवे चक्खिदिए ओगाहणट्ठयाए सोइंदिए ओगाहणट्ठयाए संखेज्जगुणे, घाणिदिए ओगाहणट्ठयाए संखेज्जगुणे, जिभिदिए ओगाहणट्टय!ए असंखेज्जगुणे, फासिदिए ओगाहणट्ठयाए संखेज्जगुणे, फासिंदियस्स ओगाहणट्ठयाएहिंतो चक्खिदिए पएसट्टयाए अणंतगुणे, सोइंदिए पएसट्ठयाए संखेज्जगुणे, घाणिदिए पएसट्टयाए संखेज्जगुणे, जिभिदिए पएसट्टयाए असंखेज्जगुणे, फासिदिए पएसट्टयाए संखेज्जगुणे ।।
१४. सोइंदियस्स णं भंते ! केवतिया कक्खडगरुयगुणा पण्णत्ता ? गोयमा ! अणंता कक्खडगरुयगणा पण्णत्ता। एवं जाव फासिदियस्स।
१५. सोइंदियस्स णं भंते ! केवतिया मउयलहुयगुणा पण्णत्ता ? गोयमा ! अणंता मउयलहुयगुणा पण्णत्ता । एवं जाव फासिदियस्स ।।
१६. एएसि णं भंते ! सोइंदिय-चक्खि दिय-धाणिदिय-जिभिदिय-फासिंदियाणं
१. भागे (क); भागो (ख,ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |