Page Text
________________
१६२
पणवणासुतं
२४. पुढविकाइयाणं भंते ! फार्सिदिए कतिपएसिए पण्णत्ते ? गोयमा ! अनंतएसिए पण्णत्ते ||
२५. पुढविकाइयाणं भंते ! फासिदिए कतिपएसोगाढे पण्णत्ते ? गोयमा ! असंखेज्जसोगाढे पण्णत्ते ||
२६. एतेसि णं भंते ! पुढविकाइयाणं फासिंदियस्स ओगाहण-पए सट्टयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे पुढविकाइयाणं फार्सिदिए ओगाहणट्टयाए, से चेव पएसट्टयाए अनंतगुणे ॥
२७. पुढविकाइयाणं भंते ! फासिदियस्स केवतिया कक्खडगरुयगुणा पण्णत्ता ? गोयमा ! अनंता । एवं मउयल हुयगुणा वि ।।
२८. एतेसि णं भंते ! पुढविकाइयाण फासेंदियस्स कक्खडगरुयगुण-मउयल हुयगुणाणं कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा पुढविकाइयाणं फासेंदियस्स कवखडगरुयगुणा, तस्स चेव मयउलहुयगुणा अनंतगुणा ॥
२६. एवं आउक्काइयाणं वि जाव वणस्सइकाइयाणं, णवरं - संठाणे इमो विसेसो वो - आउक्काइयाणं थिबुगविदुसंठाणसंठिए पण्णत्ते, तेउक्काइयाणं सूईकलावसंठा - संठिए पण्णत्ते, वाउक्काइयाणं पडागासंठाणसंठिए पण्णत्ते, वणप्फइकाइयाणं णाणासंठाणसंठि पण्णत्ते ॥
३०. बेइंदियाणं भंते ! कति इंदिया पण्णत्ता ? गोयमा ! दो इंदिया पण्णत्ता, तं जहा - जिभिदिए य फार्सिदिए य । दोण्हं पि इंदियाणं संठाणं बाहल्लं पोहत्तं पदेसा ओगाहणा य जहा ' ओहियाणं भणिया तहा भाणियव्वा णवरं - फासेंदिए इंडसंठाणसंठिए पण्णत्ते त्ति इमो विसेसो ॥
३१. एतेसि णं भंते ! बेइंदियाणं जिभिदिय - फार्सेदियाणं ओगाहणट्टयाए पसट्टयाए ओगहण पट्टयाए कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवे बेइंदियाणं जिब्भिदिए ओगाहणट्टयाए, फासेंदिए ओगाहणट्टयाए संखेज्जगुणे' । पएसट्टयाए - सव्वत्थोवे बेइंदियाणं जिब्भिदिए पएसट्टयाए, फासें दिए पएसट्टयाए संखेज्जगुणे' । ओगाहण-एसट्टयाए - सव्वत्थोवे बेइंदियस्स जिब्भिदिए ओगाहणgare, फार्सिदिए ओगाहणट्टयाए संखेज्जगुणे, फासें दियस्स ओगाहणट्टयाए हितो जिब्भिदिए पट्टयाए अनंतगुणे, फार्सिदिए पएसट्टयाए संखेज्जगणे ॥
३२. बेइंदियाणं भंते ! जिब्भिदियस्स केवइया कक्खडगरुयगुणा पण्णत्ता ? गोयमा ! अनंता । एवं फासेंदियस्स वि । एवं मउयलहुयगुणा वि ।
३३. एतेसि णं भंते ! बेइंदियाणं जिब्भिदिय- फासेंदियाणं कक्खडगरुयगुणाणं मउयलहुयगुणाणं कक्खडगरुयगुण-मउयल हुयगुणाण य कतरे कतरेर्हितो अप्पा वा बहुया वातुल्ला वा विसेसाहिया वा ? गोयमा ! सव्वत्थोवा बेइंदियाणं जिब्भिदियस्स कक्खड -
१. प० १५५ १२
२. असंखेज्ज° (क,ख, घ) ।
३. असंखेज्ज° (क,ख,ग.घ ) ।
Jain Education International
४. असंखेज्ज° (क,ख,ग,घ) ।
५. असंखेज्ज° (क,ख,ग,घ ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |