Page Text
________________
एक्कारसमं भासापर्यं
१७३
भासं भासंति ? असच्चामोसं भासं भासंति ? गोयमा ! जीवा सच्चं पि भासं भासंति, मोसं पि भासं भासंति, सच्चामोसं पि भासं भासंति, असच्चामोसं पि भासं भासंति ॥
४४. रइया णं भंते! कि सच्चं भासं भासंति जाव असच्चामोसं भासं भासंति ? गोयमा ! णेरइया णं सच्चं पि भासं भासंति जाव असच्चामोसं पि भासं भासति । एवं असुरकुमारा जाव थणियकुमारा ॥
४५. बेइंदिय-ते इंदिय- चउरिंदिया य णो सच्चं णो मोसं णो सच्चामोसं भासं भासंति, असच्चामोसं भासं भासंति ॥
४६. पंचेंदियतिरिक्खजोणिया णं भंते! किं सच्चं भासं भासंति जाव असच्चामोसं भासं भासंति ? गोयमा ! पंचेंदियतिरिक्खजोणिया णो सच्चं भासं भासंति, णो मोसं भासं भासंति, णो सच्चामोसं भासं भासंति, एगं असच्चामोसं भासं भासंति, णण्णत्थ सिक्खापुव्वगं उत्तरगुणलद्धि वा पडुच्च सच्चं पि भासं भासंति, मोसं पि भासं भासंति, सच्चामो पि भासं भासंति, असच्चामोस पि भासं भासति । मणुस्सा जाव वेमाणिया एए जहा जीवा तहा भाणियव्वा ॥ भासादव्वगहण-निसिरण-पदं
४७. जीवे णं भंते । जाई दव्वाई भासत्ताए गेण्हति ताई कि ठियाई गेण्हति ? अठियाई गेण्हति ? गोयमा ! ठियाई गेण्हति णो अठियाई गेहति ॥
४८. जाई भंते! ठियाई गेण्हति ताई कि दव्वओ गेण्हति ? खेत्तओ गेहति ? कालओ गेहति ? भावओ गेण्हति ? गोयमा ! दव्वओ वि गेण्हति खेत्तओ वि गेहति, कालओ वि गेहति भावओ वि गेण्हति ॥
४६. जाई दव्वओ गेहति ताई किं एगपएसियाई गेण्हति दुपएसियाई गेण्हति जाव अनंत एसियाई गेहति ? गोयमा ! णो एगपएसियाई गेण्हति जाव णो असंखेज्जपएसियाई हति, अनंत एसियाई गेण्हति ॥
५०. जाई खेत्तओ गेहति ताई किं एगपएसोगाढाई गेण्हति दुपएसोगाढाई गेण्हति जाव असंखेज्जपए सो गाढाई गेण्हति ? गोयमा ! णो एगपएसोगाढाई गेण्हति जाव णो संखेज्ज एसो गाढाई गेण्हति, असंखेज्जपए सोगाढाई गेण्हति ॥
५१. जाई कालओ गेहति ताई कि एगसमयद्वितीयाई गेहति दुसमय द्वितीयाई गेहति जाव असंखेज्जसमयद्वितीयाई गेहति ? गोयमा ! एगसमयद्वितीयाई पि गेहति, दुसमद्वतीयाई पहति जाव असंखेज्जसमयद्वितीयाई पिति ॥
५२. जाई भावओ गेहति ताई किं वण्णमंताई गेहति गंधमंताई गेण्हति रसमंताई गेहति फासमंताई गेण्हति ? गोयमा ! वण्णमंताई पि गेण्हति जाव फासमंताई पि गेहति ॥ ५३. जाई भावओ वण्णमंताई गेण्हति ताइं कि एगवण्णाई गेण्हति जाव पंचवण्णाई गेहति ? गोयमा ! गहणदव्वाई पडुच्च एगवण्णाई पि गेण्हति जाव पंचवण्णाई पि गेहति, सव्वग्गणं पडुच्च णियमा पंचवण्णाई गेण्हति तं जहा-कालाई नीलाई लोहियाई हालिद्दाई सुक्किलाई ||
१. प० ११।४३ ॥
२. °ठियाई (क, ख ) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |