Page Text
________________
१७४
पण्णवणासुत्तं
५४. जाइं वण्णओ कालाइं गेण्हति ताई किं एगगुणकालाइं गेण्हति जाव अणंतगुणकालाइं गेण्हति ? गोयमा ! एगगुणकालाई पि गेण्हति जाव अणंतगुणकालाई पि गेण्हति । एवं जाव सुक्किलाई पि॥
५५. जाइं भावओ गंधमंताई गेण्हति ताई कि एगगंधाइं गेण्हति दुगंधाइं गेण्हति ? गोयमा ! गहणदव्वाइं पडुच्च एगगंधाई पि गेहति दुगंधाइं पि गेण्हति, सव्वग्गहणं पडुच्च नियमा दुगंधाइं गेण्हति ॥
५६. जाइं गंधओ सुब्भिगंधाइं गेण्हति ताई कि एगगुणसुब्भिगंधाइं गेण्हति जाव अणंतगुणसुब्भिगंधाइं गेण्हति ? गोयमा ! एगगुणसुबिभगंधाई पि गेण्हति जाव अणंतगुणसुब्भिगंधाई पि गेण्हति । एवं दुब्भिगंधाई पि गेण्हति ।।
५७: जाइं भावतो रसमंताई गेण्हति ताई किं एगरसाइं गेण्हति जाव' पंचरसाई गेण्हति ? गोयमा ! गहणदव्वाइं पडुच्च एगरसाइं पि गेण्हति जाव पंचरसाइं पि गेण्हति, सव्वगहणं पड्डुच्च णियमा पंचरसाइं गेण्हति ।।
५८. जाइं रसतो तित्तरसाइं गेण्हति ताई कि एगगुण तित्तरसाइं गेण्हति जाव अणंतगुणतित्तरसाइं गेण्हति ? गोयमा ! एगगुणतित्तरसाई पि गेहति जाव अणंतगुणतित्तरसाई पि गेण्हति । एवं जाव महुरो रसो॥
५६. जाइं भावतो फासमंताई गेण्हति ताई कि एगफासाइं गेण्हति जाव अट्टफासाई गेण्हति ? गोयमा ! गहणदव्वाइं पडुच्च णो एगफासाइं गेहति, दुफासाई गेण्हति जाव चउफासाइं पि गेण्हति, णो पंचफासाइं गेण्हति जाव णो अट्ठफासाई पि गेण्हति । सव्वग्गहणं पडुच्च णियमा चउफासाइं गेण्हति, तं जहा-- सीयफासाइं गेण्हति, उसिणफासाई गेण्हति, णिद्धफासाइं गेहति, लुक्खफासाइं गेण्हति ॥
६०. जाई फासओ सीयाइं गेण्हति ताई कि एगगुणसीयाइं गेण्हति जाव अणंतगुणसीयाइं गेण्हति ? गोयमा ! एगगुणसीयाइं पि गेण्हति जाव अणंतगुणसीयाइं पि गेण्हति । एवं उसिण-णिद्ध-लुक्खाई जाव अणंतगणाई पि गेण्हति ।।
६१. जाइं भंते ! जाव अणंतगुणलुक्खाइं गेण्हति ताई किं पुट्ठाइं गेहति ? अपुढाई गेण्हति ? गोयमा ! पुट्ठाइं गेण्हति, णो अपुट्ठाइं गेण्हति ॥
६२. जाइं भंते ! पुट्ठाइं गेहति ताई कि ओगाढाइं गेण्हति ? अणोगाढाइं गेण्हति ? गोयमा ! ओगाढाइं गेण्हति, णो अणोगाढाइं गेण्हति ॥
६३. जाइं भंते ! ओगाढाइं गेण्हति ताइं किं अणंतरोगाढाइं गेण्हति ? परंपरोगाढाइं गेण्हति ? गोयमा ! अणंतरोगाढाइं गेण्हति, णो परंपरोगाढाइं गेण्हति ।।
६४. जाइं भंते ! अणंतरोगाढाइं गेण्हति ताई कि अणूइं गेहति ? बादराई गेण्हति ? गोयमा ! अणूई पि गेण्हति, बादराई पि गेण्हति ॥
६५. जाइं भंते ! अणूई पि गेण्हति बायराइं पि गेण्हति ताई कि उड्ड गेण्हति ? अहे गेहति ? तिरियं गेहति ? गोयमा ! उड्ढ पि गेण्हति, अहे वि गेण्हति, तिरियं पि गेण्हति ।।
६६. जाइं भंते ! उड्ढ पि गेण्हति अहे वि गेहति तिरियं पि गेण्हति ताइं कि आदि १. जाव किं (क,ख,ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |