Page Text
________________
१७२०
पण्णवणासुत्त
३६. सच्चामोसा णं भंते ! भासा अपज्जत्तिया कतिविहा पण्णत्ता? गोयमा ! दसविहा पण्णत्ता, तं जहा-उप्पण्णमिस्सिया, विगयमिस्सिया, उप्पण्णविगयमिस्सिया, जीवमिस्सिया अजीवमिस्सिया जीवाजीव मिस्सिया अणंतमिस्सिया परित्तमिस्सिया, अद्धामिस्सिया अद्धद्धामिस्सिया ॥
३७. असच्चामोसा णं भंते ! भासा अप्पज्जत्तिया कतिविहा पण्णत्ता ? गोयमा ! दुवालस विहा पण्णत्ता, तं जहा--- गाहा
आमंतणि आणमणी', जायणि तह पुच्छणी य पण्णवणी। पच्चक्खाणी भासा, भासा इच्छाणुलोमा य ॥१॥ अणभिग्गहिया भासा, भासा य अभिग्गहम्मि वोधव्वा ।
संसयकरणी भासा, 'वोयड अव्वोयडा चेव ।।२।। भासगाभासग-पदं
३८. जीवा णं भंते ! कि भासगा अभासगा ? गोयमा ! जीवा भासगा वि अभासगा वि ॥
३६. से केणढेणं भंते ! एवं बुच्चति-जीवा भासगा वि अभासगा वि ? गोयमा ! जीवा दुविहा पण्णत्ता, तं जहा-संसारसमावण्णगा य असंसारसमावण्णगा य । तत्थ णं जेते असंसारसमावण्णगा ते णं सिद्धा। सिद्धा णं अभासगा। तत्थ णं जेते संसारसमावण्णगा ते णं दूविहा पण्णत्ता, तं जहा-सेलेसिपडिवण्णगा य असेलेसिपडिवण्णगाय। तत्थ णं जेते सेलेसिपडिवण्णगा ते णं अभासगा। तत्थ णं जे ते असेलेसिपडिवण्णगा ते दुविहा पण्णत्ता, तं जहा-एगिदिया य अणेगिदिया य । तत्थ णं जेते एगिदिया ते णं अभासगा। तत्थ णं जेते अणेगिदिया ते दुविह। पण्णत्ता, तं जहा-पज्जत्तगा य अपज्जत्तगा य । तत्थ णं जेते अपज्जत्तगा ते णं अभासगा। तत्थ णं जेते पज्जत्तगा ते णं भासगा। से एतेणटठेणं' गोयमा ! एवं वच्चति-जीवा भासगा वि अभासगा वि ।।
४०. नेरइया णं भंते ! किं भासगा अभासगा? गोयमा ! नेरइया भासगा वि अभासगा वि ॥
४१. से केणठेणं भंते ! एवं वुच्चति-नेरइया भासगा वि अभासगा वि ? गोयमा ! नेरइया दुविहा पण्णत्ता, तं जहा-पज्जत्तगा य अपज्जत्तगा य। तत्थ णं जेते अपज्जत्तगा ते णं अभासगा। तत्थ णं जेते पज्जतगा ते णं भासगा। से एतेणटठेणं गोयमा ! एवं वच्चइ-नेरइया भासगा वि अभासगा वि । एवं एगिदियवज्जाणं णिरंतरं भाणियव्वं ॥ भासज्जाय-पदं
४२. कति णं भंते ! भासज्जाता पण्णत्ता? गोयमा ! चत्तारि भासज्जाता पण्णत्ता, तं जहा-सच्चमेगं भासज्जातं वितियं मोसं, ततियं सच्चामोसं, चउत्थं असच्चामोसं ॥
४३. जीवा णं भंते ! किं सच्चं भासं भासंति ? मोसं भासं भासंति ? सच्चामोसं
३. एणठेणं (क,ग,घ); तेणठेणं (ख) ।
१. याणमणी (घ)। २. वोगड अव्वोगडा (क)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |