________________
एक्कारसमं भासापयं
पद
इत्थिपण्णवणी आउत्ति पुमपण्णवणी धण्णेत्ति णपुंसगपण्णवणी आराहणी णं एसा भासा, ण एसा भासा मोसा॥
२६. इच्चेवं भंते ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा ? ण एसा भासा मोसा ? हंता गोयमा ! इत्थिवयणं वा पुमवयणं वा णपुंसगवयणं वा वयमाणे पण्णवणी णं एसा भासा, ण एसा भासा मोसा ।। भासासरूव-पदं
३०. भासा णं भंते ! किमादीया किंपहवा' किंसंठिया किंपज्जवसिया ? गोयमा ! भासा णं जीवादीया सरीरपहवा वज्जसंठिया लोगंतपज्जवसिया पण्णत्ता । गाहा
भासा कओ य पभवति ? कतिहिं च समएहिं भासती भासं ? भासा कतिप्पगारा ? कति वा भासा अणुमयाओ ? ॥१॥ सरीरप्पभवा भासा, दोहि य समएहिं भासती भासं ।
भासा चउप्पगारा, दोण्णि य भासा अणुमयाओ॥२॥ भासामेय-पदं
३१. कतिविहा णं भंते ! भासा पण्णत्ता ? गोयमा ! दुविहा भासा पण्णत्ता, तं जहा-पज्जत्तिया य अपज्जत्तिया य ॥
३२. पज्जत्तिया णं भंते ! भासा कतिविहा पण्णत्ता ? गोयमा ! दुविहा पण्णत्ता, तं जहा-सच्चा य मोसा य॥
३३. सच्चा णं भंते ! भासा पज्जत्तिया कतिविहा पण्णत्ता ? गोयमा! दसविहा पण्णत्ता, तं जहा-जणवयसच्चा सम्मतसच्चा ठवणासच्चा णामसच्चा रूवसच्चा पडच्चसच्चा ववहारसच्चा भावसच्चा जोगसच्चा ओवम्मसच्चा ।। गाहा
जणवय सम्मत ठवणा, णामे रूवे पडुच्चसच्चे य ।
ववहार भाव जोगे, दसमे ओवम्मसच्चे य ॥१॥ ३४. मोसा णं भंते ! भासा पज्जत्तिया कतिविहा पण्णत्ता? गोयमा ! दसविहा पण्णत्ता. तं जहा-कोहणिस्सिया माणणिस्सिया मायाणि स्सिया लोभणिस्सिया पेज्जणिस्सिया दोसणिस्सिया हासणिस्सिया भयणि स्सिया अक्खाइयाणिस्सिया' उवघायणिस्सिया ॥ गाहा
कोहे माणे माया, लोभे पेज्जे तहेव दोसे य।
हास भए अक्खाइय, उवघाइयणिस्सिया दसमा ॥१॥ ३५. अपज्जत्तिया णं भंते ! भासा कतिविहा पण्णत्ता ? गोयमा ! दुविहा पण्णत्ता, तं जहा--सच्चामोसा य असच्चामोसा य ।। १. किंपवहा (ख,ग,घ)।
३. अक्खाइयणि° (क)। २. सरीरप्पभवा (क,ख,ग,घ)।
Jain Education International
For Private & Personal Use Only
www.jainelibrary.org
