Page Text
________________
१७०
पण्णवणासुतं
१६. अह भंते ! उट्टे गोणे खरे घोडए अए' एलए जाणति अयं मे अतिराउले अयं मे अतिराउले त्ति ? गोयमा ! •णो इणठे समठे, णण्णत्थ सण्णिणो॥
२०. अह भंते ! उट्टे •गोणे खरे घोडए अए एलए जाणति अयं मे भट्टिदारए अयं मे भट्टिदारए त्ति ? गोयमा ! •णो इणठे समठे, णण्णत्थ सण्णिणो॥ एगवयणाइभासा-पदं
२१. अह भंते ! मणुस्से महिसे आसे हत्थी सीहे वधे वगे' दीविए अच्छे तरच्छे परस्सरे सियाले विराले सुणए कोलसूणए 'कोक्कंतिए ससए चित्तए चिल्ललए जे यावण्ण तहप्पगारा सव्वा सा एगवऊ ? हंता गोयमा ! मणुस्से जाव चिल्ललए जे यावण्णे तहप्पगारा सव्वा सा एगवऊ ।
२२. अह भंते ! मणुस्सा जाव चिल्ललगा जे यावण्णे तहप्पगारा सव्वा सा बहुवऊ ? हंता गोयमा ! मणुस्सा जाव चिल्ललगा सव्वा सा बहुवऊ ॥
२३. अह भंते ! मणुस्सी महिसी वलवा हस्थिणिया सीही वग्घी वगी दीविया अच्छी तरच्छी परस्सरी सियाली विरालो सुणिया कोलसुणिया कोक्कंतिया ससिया चित्तिया चिल्ल लिया जा यावण्णा तहप्पगारा सव्वा सा इत्थिवऊ ? हंता गोयमा ! मणस्सी जाव चिल्ललिया जा यावण्णा तहप्पगारा सव्वा सा इत्थिवऊ॥
२४. अह भंते ! मणुस्से जाव चिल्ललए जे यावण्णे तहप्पगारा सव्वा सा पुमवऊ ? हंता गोयमा ! मणुस्से जाव चिल्ललए जे यावण्णे तहप्पगारा सव्वा सा पुमवऊ ॥
२५. अह भंते ! कसं कंसोयं परिमंडलं सेलं थूभं जालं थालं तारं रूवं अच्छि पव्वं कंडं पउमं दुद्धं दहिं णवणीयं आसणं सयणं" भवणं विमाणं छत्तं चामरं भिगारं अंगणं निरंगणं आभरणं रयणं जे यावण्णे तहप्पगारा सव्वं तं णपुंसगवऊ ? हंता गोयमा ! कसं जाव रयणं जे यावण्णे तहप्पगारा सव्वं तं णपुंसगवऊ।।
२६. अह भंते ! पुढवीति इत्थीवऊ आउत्ति पुमवऊ धणेत्ति णपुंसगवऊ पण्णवणी णं एसा भासा ? ण एसा भासा मोसा ? हंता गोयमा ! पूढवित्ति इत्थिवऊ आउत्ति पुमवऊ, धण्णेत्ति णपुंसगवऊ, पण्णवणी णं एसा भासा, ण एसा भासा मोसा ।।
२७. अह भंते ! पुढवीति इत्थीआणमणी आउत्ति पुमआणमणी धण्णेत्ति नपंसगाणमणी" पण्णवणी णं एसा भासा ? ण एसा भासा मोसा ? हंता गोयमा ! पुढवीति इत्थिआणमणी, आउत्ति पुमआणमणी, धणेत्ति णपुंसगाणमणी, पण्णवणी णं एसा भासा, ण एसा भासा मोसा॥
२८. अह भंते ! पुढवीति इत्थिपण्णवणी आउत्ति पुमपण्णवणी धण्णेत्ति णपंसगपण्णवणी आराहणी णं एसा भासा ? ण एसा भासा मोसा ? हंता गोयमा ! पुढवीति १. सं० पा०-उट्टे जाव एलए।
७. विगी (क,ख,ग,घ)। २. सं० पा०-गोयमा जाव णण्णत्थ ।
८. परस्सरी रासभी (क)। ३. सं० पा०-उट्टे जाव एलए।
६. कस्सं (क)। ४. सं० पा०-गोयमा जाव णण्णत्थ ।
१०. संस्कृतकोशेषु 'कंसीयं' इति शब्दो लभ्यते । ५. विगे (क,ख,ग,घ)।
११. सतणं (क)। ६. ससए कोक्कतिए (मवृ)।
१२. नपुंसकाणमणी (ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |