Page Text
________________
एक्कारसमं भासापयं
जा य पुमआणमणी जा य णपुंसगआणमणी पण्णवणी णं एसा भासा, ण एसा भासा मोसा॥
७. अह भंते ! जा य इत्थीपण्णवणी जा य पुमपण्णवणी जा य णपुंसगपण्णवणी पण्णवणी णं एसा भासा ? ण एसा भासा मोसा ? हंता गोयमा ! जा य इत्थिपण्णवणी जा य पुमपण्णवणी जा य णपुंसगपण्णवणी पण्णवणी णं एसा भासा, ण एसा भासा मोसा ॥
८. अह भंते ! जा जातीति इत्थिवऊ जातीति पुमवऊ जातीति णपुंसगवऊ पण्णवणी णं एसा भासा ? ण एसा भासा मोसा ? हंता गोयमा ! जातीति इत्थिवऊ जातीति पुमवऊ जातीति णपुंसगवऊ पण्णवणी णं एसा भासा, न एसा भासा मोसा ।। ___. अह भंते ! जातीति इत्थिआणमणो जातीति पुमआणमणी जातीति णपुंसगाणमणी' पण्णवणी णं एसा भासा ? ण एसा भासा मोसा ? हंता गोयमा ! जातीति इत्थीआणमणी जातोति पुमआणमणी जातीति णपुंसगाणमणी पण्णवणी णं एसा भासा, ण एसा भासा मोसा ॥
१०. अह भंते ! जातीति इत्थिपण्णवणी जातीति पुमपण्णवणी जातीति णपुंसगपण्णवणी पण्णवणी णं एसा भासा ? ण एसा भासा मोसा ? हंता गोयमा ! जातीति इत्थिपण्णवणी जातोति पुमपण्णवणी जातीति णपंसगपण्णवणी पण्णवणी णं एसा भासा, ण एसा भासा मोसा॥ मंदकुमाराइभासासण्णा-पदं
११. अह भंते ! मंदकुमारए वा मंदकुमारिया वा जाणइ बुयमाणे अहमेसे' बुयामि अहमेसे बुयामीति ? गोयमा ! णो इणठे समठे, णण्णत्थ सण्णिणो ।
१२. अह भंते ! मंदकुमारए वा मंदकुमारिया वा जाणति आहारमाहारेमाणे अहमेसे आहारमाहारेमि अहमेसे आहारमाहारेमि त्ति ? गोयमा ! णो इणठे समठे, णण्णत्थ सण्णिणो॥
१३. अह भंते ! मंदकुमारए वा मंदकुमारिया वा जाणति अयं मे अम्मा-पियरो अयं मे अम्मा-पियरो त्ति ? गोयमा ! णो इणठे समठे, णण्णत्थ सण्णिणो॥
१४. अह भंते ! मंदकुमारए वा मंदकुमारिया वा जाणति अयं मे अतिराउले अयं मे अतिराउले त्ति ? गोयमा ! णो इणठे समठे, णण्णत्थ सण्णिणो ।। . १५. अह भंते ! मंदकुमारए वा मंदकुमारिया वा जाणति अयं मे भट्टिदारए अयं मे भट्टिदारए त्ति ? गोयमा ! णो इणठे समठे, णण्णत्थ सण्णिणो॥
१६. अह भंते ! उट्टे गोणे खरे घोडए अए एलए जाणति बुयमाणे अहमेसे बुयामि अहमेसे बुयामि त्ति ? गोयमा ! णो इणठे समठे, णण्णत्थ सण्णिणो॥
१७. अह भंते ! उट्टे' गोणे खरे घोडए अए एलए जाणति आहारेमाणे अहमेसे आहारेमि अहमेसे आहारेमि त्ति ? गोयमा ! णो इणठे समठे, णण्णत्थ सणिणो ॥
१८. अह भंते ! उट्टे गोणे खरे घोडए आए एलए जाणति अयं मे अम्मा-पियरो अयं मे अम्मा-पियरो त्ति ? गोयमा ! णो इणठे समठे, णण्णत्थ सण्णिणो॥ १. णपुंसआणमणी (ग)।
३. सं० पा०-उट्टे जाव एलए। २. अहमेसा (ख,घ)।
For Private & Personal Use Only
Jain Education International
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |