________________
एक्कारसमं भासापयं
ओहरिणीभासा-पदं
१. से णणं भंते ! मण्णामीति ओहारिणी भासा ? चिंतेमीति ओहारिणी भासा ? अह मण्णामीति ओहारिणी भासा ? अह चिंतेमीति ओहारिणी भासा? तह मण्णामीति ओहारिणी भासा ? तह चितेमीति ओहारिणी भासा? हंता गोयमा ! मण्णामीति ओहारिणी भासा, चिंतेमीति ओहारिणी भासा, अह मण्णामीति ओहारिणी भासा, अह चितेमीति ओहारिणी भासा, तह मण्णामीति ओहारिणी भासा, तह चितेमीति ओहारिणी भासा ।।
२. ओहारिणी णं भंते ! भासा कि सच्चा मोसा सच्चामोसा असच्चामोसा ? गोयमा ! सिय सच्चा, सिय मोसा, सिय सच्चामोसा, सिय असच्चामोसा ॥
३. से केणठेणं भंते ! एवं वुच्चति-ओहारिणी णं भासा सिय सच्चा सिय मोसा सिय सच्चामोसा सिय असच्चामोसा ? गोयमा ! आराहणी सच्चा, विराहणी मोसा, आराहण-विराहणी सच्चामोसा, जा'णेव आराहणी व विराहणी व आराहण-विराहणी असच्चामोसा णाम सा चउत्यी भासा । से एतेणठेणं' गोयमा ! एवं वुच्चइ-ओहारिणी णं भासा सिय सच्चा सिय मोसा सिय सच्चामोसा सिय असच्चामोसा ॥ पण्णवणीभासा-पदं
४. अह भंते ! गाओ मिया पसू पक्खी पण्णवणी णं एसा भासा ? ण एसा भासा मोसा? हंता गोयमा ! गाओ मिया पसू पक्खी पण्णवणी णं एसा भासा, ण एसा भासा मोसा ।।
५. अह भंते ! जा य इत्थिवऊ जा य पुमवऊ जा य णपसगवऊ पण्णवणी णं एसा भासा ? ण एसा भासा मोसा ? हंता गोयमा ! जा य इत्थिवऊ जा य पुमवऊ जा य णपुंसगवऊ पण्णवणी णं एसा भासा, ण एसा भासा मोसा ॥
६. अह भंते ! जा य इत्थिआणमणी" जा य पुमआणमणी जा य णपुंसगआणमणी पण्णवणी णं एसा भासा ? ण एसा भासा मोसा? हंता गोयमा ! जा य इत्थिआणमणी १. जे (क,ख)।
४. इत्थीवयू (क)। २. एणठेणं (ग)।
५. °आणवणी (ख,ग,ध)। ३. अहण्णं (ख) सर्वत्र ।
१६८
Jain Education International
For Private & Personal Use Only
www.jainelibrary.org
