Page Text
________________
पण्णवातं
पंचेंद्रियतिरिक्खजोणिय - मणुस्सेसु य जहाँ नेरइयाणं उब्वट्टणा सम्मुच्छिमवज्जा तहा भाणितव्वा । एवं जाव थणियकुमारा ॥
१४६
१०३. पुढविकाइया णं भंते ! अनंतरं उव्वट्टित्ता कहिं गच्छन्ति ? कहि उववज्जंति ? किं नेरइएसुजाव देवेसु ? गोयमा ! नो नेरइएसु उववज्जंति तिरिक्खजोणिय मणुस्सेसु उववज्जंति, नो देवेसु । एवं जहा एतेसि चेव उववाओ तहा उव्वट्टणा वि देववज्जा' भाणितव्वा' ॥
१०४. एवं आउ-वणस्सइ-बेइं दिय- तेइंदिय - चउरिदिया वि । एवं तेऊ वाऊ वि णवरंमणुस्सवज्जेसु उववज्जति ॥
१०५. पंचेंद्रियति रिक्खजोणिया णं भंते! अनंतरं उब्वट्टित्ता कहिं गच्छति कहि उववज्जति ? कि नेरइएसु जाव देवेसु ? गोयमा ! नेरइएसु उववज्जंति जाव देवेसु उववज्जंति ॥
१०६. जदि नेरइएसु उववज्जंति किं रयणप्पभापुढविनेरइएस उववज्जंति जाव असत्तमापुढविनेरइएस उववज्जंति ? गोयमा ! रयणप्पभापुढविनेरइएस वि उववज्जंति जाव असत्तमापुढविनेरइएस वि उववज्जंति ||
१०७. जदि तिरिक्खजोणिएसु उववज्जंति कि एगिदिएसु जाव पंचिदिएसु ? गोयमा ! एगिदिए वि उववज्जंति जाव पंचिदिएसु वि उवबज्जंति । एवं जहा एतेसिं चेव' उववाओ उट्टणावि तहेव भाणितव्वा, नवरं - असंखेज्जवासाउएसु वि एते उववज्जंति ।
१०८. जद मणुस्सेसु उववज्जति किं सम्मुच्छिममणुस्सेसु उववज्जंति ? गब्भवक्कंतियमणुस्सेसु उववज्जंति ? गोयमा ! दोसु वि उववज्जंति । एवं जहा उववाओ तहेव उव्वणा वि भाणितव्वा, नवरं - अकम्मभूमग अंतरदीवग असंखेज्जवासाउएस वि एते उववज्जंति त्ति भाणितव्वं ॥
१०६. जदि देवेसु उववज्जंति किं भवणवतीसु उववज्जंति जाव वेमाणिएसु उववज्जंति ? गोयमा ! सव्वेसु चेव उववज्जंति ।
जदि भवणवती उववज्जंति किं असुरकुमारेसु उववज्जंति जाव थणिकुमा उववज्जंति ? गोयमा ! सव्वेसु चेव उववज्जति । एवं वाणमंतर - जोइसिय-वेमाणि सु निरंतरं उववज्जंति जाव सहस्सारो कप्पो त्ति ॥
११०. मणुस्सा णं भंते ! अनंतरं उव्वट्टित्ता कहिं गच्छति ? कहि उववज्जंति ? कि इस उववज्जति जाव देवेसु उववज्जंति ? गोयमा ! नेरइएसु वि उववज्जंति जाव देवे वि उववज्जति । एवं निरंतरं सव्वेसु ठाणेसु पुच्छा । गोयमा ! सव्वेस ठाणेसु उववज्जंति, ण कहिंचि पडिसेहो कायव्वो जाव सव्वगसिद्धदेवेसु वि उववज्जंति । अत्थेगतिया सिज्झति बुज्झति मुच्चंति परिणिव्वायंति सव्वदुक्खाणं अंतं करेंति ॥
१११. वाणमंतर - जोइसिय-वेमाणिया सोहम्मीसाणा य जहा असुरकुमारा, नवरं - जोइसियाणं वेमाणियाण य चयंतीति अभिलावो कातव्वो ।
१. प० ६१८३, ८४ |
२. x ( ख, घ ) ।
Jain Education International
३. च (ख) ।
४. भवणवासीसु ( ग ) |
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |