Page Text
________________
छठें वक्कंतिपयं
१४७
११२. सणंकुमारदेवाणं पुच्छा। गोयमा ! जहा असुरकुमारा, नवरं- एगिदिएसु ण उववज्जति । एवं जाव सहस्सारगदेवा ॥
११३. आणय जाव अणुत्तरोववाइया देवा एवं चेव, णवरं- णो तिरिक्खजोणिएस उववज्जति, मणुस्सेसु पज्जत्तगसंखेज्जवासाउयकम्मभूमगगब्भवक्कंतियमणुस्सेसु उववज्जति ॥
परभवियाउयदारं परभवायुबंधकाल-पदं
११४. नेरइया णं भंते ! कतिभागावसेसाउया परभवियाउयं पकरेंति ? गोयमा ! णियमा छम्मासावसेसाउया परभवियाउयं पकरेंति । एवं असुरकुमारा वि जाव थणियकुमारा॥
११५. पुढ विकाइया णं भंते! कतिभागावसेसाउया परभवियाउयं पकरेंति? गोयमा! पुढविकाइया दुविहा पण्णत्ता, तं जहा--सोवक्कमाउया य निरुवक्कमाउया य। तत्थ णं जेते निरुवक्कम्माउया ते णियमा तिभागावसेसाउया परभवियाउयं पकरेंति। तत्थ णं जेते सोवक्कमाउया ते सिय तिभागावसेसाउया परभवियाज्यं पकरेंति, सिय तिभागतिभागावसेसाउया परभवियाउयं पकरेंति, सिय तिभागतिभागतिभागावसेसाउया परभवियाउयं पकरेंति । आउ-तेउ-वाउ-वणरसकाइयाणं बेइंदिय-तेइंदिय-चउरिदियाण वि एवं चेव ।।
११६. पंचेंदियतिरिक्खजोणिया णं भंते ! कतिभागावसेसाउया परभवियाउयं पकरेंति ? गोयमा ! पंचेंदियतिरिवखजोणिया दुविहा पण्णत्ता, तं जहा-संखेज्जवासाउया य असंखेज्जवासाउया य। तत्थ णं जेते असंखेज्जवासाउया ते नियमा छम्मासावसेसाउया परभवियाउयं पकरेंति । तत्थ णं जेते संखेज्जवासाउया ते दुविहा पण्णत्ता, तं जहासोवक्कमाउया य निरुवक्कमाउया य । तत्थ ण जेते निरुवक्कमाउया ते णियमा तिभागावसेसाउया परभवियाउयं पकरेंति। तत्थ णं जेते सोवक्कमाउया ते णं सिय तिभागे परभवियाउयं पकरेति, सिय तिभागतिभागे य परभवियाउयं पकरति, सिय तिभागतिभागतिभागावसेसाउया परभवियाउयं पकरेति । एवं मणुस्सावि ॥ ११७. वाणमंतर-जोइसिय-माणिया जहा नेरइया ॥
आगरिसदारं आउयबंधस्स आगरिस-पदं
११८. कतिविधे णं भंते ! आउयबंधे पण्णत्ते ? गोयमा ! छव्विधे आउयबंधे पण्णत्ते, तं जहा-जातिणामणिहत्ताउए, गइनामणिहत्ताउए, ठितीनामणिहत्ताउए, ओगाहणाणामणिहत्ताउए, पदेसणामणिहत्ताउए, अणुभावणामणिहत्ताउए ।
११६. नेरइयाणं भंते ! कतिविहे आउयबंधे पण्णत्ते ? गोयमा ! छव्विहे आउयबंधे पण्णत्ते, तं जहा -जातिनामनिहत्ताउए, गतिणामनिहत्ताउए, ठितीणामणिहत्ताउए, ओगाहणानामनिहत्ताउए, पदेसणामनिहत्ताउए, अणुभावणामनिहत्ताउए। एवं जाव वेमाणियाण ॥ १. बंधंति (मवृ)।
२. आउबंधे (ग)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |