Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 219

१४२
पण्णवणासुत्तं ८२. पुढविकाइया णं भंते ! कओहिंतो उववज्जति ? किं नेरइएहितो जाव देवेहितो उववज्जति ? गोयमा ! नो नेरइएहिंतो उववज्जति, तिरिक्खजोणिएहितो मणुस्सेहितो देवेहितो वि उववज्जति ॥
८३. जदि तिरिक्खजोणिएहितो उववज्जति कि एगिदियतिरिक्खजोणिएहितो उववज्जति जाव पंचेंदियतिरिक्खजोणिएहिंतो उववज्जंति ? गोयमा ! एगिदियतिरिक्खजोणिएहितो वि जाव पंचें दियतिरिक्खजोणिएहितो वि उववज्जति। जदि एगिदियतिरिक्खजोणिएहितो उववज्जति किं पुढविकाइएहितो जाव वणप्फइकाइएहितो उववज्जति ? गोयमा ! पुढविकाइएहितो वि जाव वणप्फइकाइएहितो वि उववज्जति। जदि पुढविकाइएहितो उववज्जंति किं सुहमपुढविकाइएहितो उववज्जति ? बादरपुढविकाइएहितो उववज्जति ? गोयमा ! दोहितो वि उववज्जति। जदि सुहुमपुढविकाइएहितो उववज्जति किं पज्जत्तयपुढविकाइएहितो उववज्जति ? अपज्जत्तयपुढविकाइएहितो उववज्जंति ? गोयमा ! दोहितो वि उववज्जति। जदि वादरपुढविकाइएहितो उववज्जति किं पज्जत्तएहितो उववज्जति ? अपज्जत्तएहितो उववज्जति ? गोयमा ! दोहितो वि उववज्जति । एवं जाव वणस्सतिकाइया चउक्कएणं भेदेणं उववाएयव्वा । जदि बेइंदियतिरिक्खजोणिएहितो उववज्जंति किं पज्जत्तयबेइंदिएहितो उववज्जति ? अपज्जत्तयबेइंदिएहितो उववज्जति ? गोयमा ! दोहितो वि उववज्जति। एवं तेइंदियचरिदिएहितो वि उववज्जति । जदि पंचेंदियतिरिक्खजोणिएहितो उववज्जति किं जलयरपंचेंदिएहितो उववज्जति ? एवं जेहितो नेरइयाणं उववाओ भणितो तेहिंतो एतेसि पि भाणितव्वो, नवरं-पज्जत्तगअपज्जत्तरोहितो वि उववज्जति । सेसं तं चेव ॥
८४. जदि मणुस्सेहिंतो उववज्जति किं सम्मुच्छिममणुस्सेहिंतो उववज्जति ? गन्भवक्कंतियमणुस्सेहिंतो उववज्जंति ? गोयमा ! दोहितो वि उववज्जति । जदि गब्भवक्कंतियमणुस्सेहिंतो उववज्जति किं कम्मभूमगगब्भवक्कंतियमणुस्सेहितो उववज्जति ? अकम्मभूमगगब्भवक्कंतियमणुस्सेहितो उववज्जति ? सेसं जहा नेरइयाणं, नवरं-अपज्जत्तएहितो वि उववज्जति ॥
८५. जदि देवेहितो उववज्जति किं भवणवासि-वाणमंतर-जोइसिय-वेमाणियदेवेहतो उववज्जंति ? गोयमा ! भवणवासिदेवेहितो वि उववज्जति जाव वेमाणियदेवेहितो वि उववज्जति। जदि भवणवासिदेवेहितो उववज्जति किं असुरकुमारदेवेहितो जाव थणियकुमारदेवेहितो उववज्जति ? गोयमा ! असुरकुमारदेवेहितो वि जाव थणियकुमारदेवेहितो वि उववज्जति। जदि वाणमंतरदेवेहितो उववज्जति किं पिसाएहितो जाव गंधव्वेहितो उववज्जति ? गोयमा ! पिसाएहितो वि जाव गंधव्वेहितो वि उववज्जति । जदि जोइसियदेवेहितो उववज्जति किं चंदविमाणेहितो जाव ताराविमाणेहितो