Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 218

छठें वक्कंतिपयं
१४१
७५. वालुयप्पभापुढविने र इया णं भंते ! कतोहिंतो उववज्जति ? गोयमा ! जहा सक्करप्पभापुढविने र इया, नवरं भुयपरिसप्पेहितो वि पडिसेहो कातव्वो॥
७६. पंकप्पभापुढविने र इयाणं पुच्छा। गोयमा ! जहा बालुयप्पभापुढविनेरइया, नवरं-- खहयरेहितो वि पडिसेहो कातव्यो ।
७७. धूमप्पभापुढविने र इयाणं पृच्छा । गोयमा! जहा पंकप्पभापुढविनेरइया, नवरंचउप्पएहितो वि पडिसेहो कातव्यो ।
७८. तमापुढविनेरइया णं भंते ! कतोहितो उववज्जति ? गोयमा ! जहा धूमप्प भापुढविनेरइया, नवरं थलयरेहितो वि पडिसेहो कातव्वो। इमेणं अभिलावेणं जदि पंचेदियतिरिक्खजोणिएहिंतो उववज्जति किं जलयरपंचदिएरितो उववज्जंति ? थलयरपंचें दिएहितो उववज्जति ? खहयरपंचेंदिएहितो उववज्जति ? गोयमा ! जलयरपंच दिएहितो उववज्जति, नो थलयरेहितो नो खयरेहिंतो उववज्जति ।।
७६. जदि मणुस्सेहिंतो उववज्जति किं कम्मभूभएहितो अकम्भूमएहितो अंतरदीवएहितो? गोयमा ! कम्मभूमएहितो उववज्जंति, नो अकम्मभूमएहितो उववज्जति, नो अंतरदीवएहितो। जदि कम्मभूमएहितो उववज्जति किं संखेज्जवासाउएहितो उववज्जति ? असंखेज्जवासाउएहितो उववज्जति ? गोयमा ! संखेज्जवासाउए हिंतो उववज्जति, नो असंखेज्जवासाउएहिंतो उववज्जति । जदि संखेज्जवासाउएहितो उववज्जति किं पज्जत्तएहितो उववज्जति ? अपज्जत्तएहितो उववज्जति ? गोयमा! पज्जत्तएहितो उववजंति, नो अपज्जत्तएहितो। जदि पज्जत्तयसंखेज्जवासाउयकम्मभूमएहिंतो उववति कि इत्थीहितो उववज्जति ? पुरिसेहितो उववज्जति ? नपुंसएहितो उववज्जति ? गोयमा ! इत्थीहितो वि उववज्जंति, पुरिसेहितो वि उववज्जति, नपुंसएहितो वि उववज्जति ।।
८०. अहेसत्तमापुढविनेरइया णं भंते ! कतोहितो उववज्जति ? गोयगा! एवं चेव, नवरं-इत्थीहितो पडिसेहो कातव्यो । गाहा--
अस्सण्णी खल पढम, दोच्चं च सिरीसवा तइय पक्खी। सीहा जंति चउत्थि, उरगा पुण पंचमि' पुढवि ।। १ ।। छट्टि च इत्थियाओ, मच्छा मणुया य सतमि पुढवि।
एसो परमुववाओ, बोधव्वो नरयपुढवीणं ॥२॥ ८१. असुरकुमारा णं भंते ! कतोहितो उववज्जति ? गोयमा ! नो नेरइएहितो उववज्जति , तिरिक्खजोणिए हितो उववज्जंति, मणुएहितो उववज्जति , नो देवेहितो उववज्जंति । एवं जेहिंतो नेरइयाणं उववाओ तेहितो असुरकुमाराण वि भाणितव्वो, नवरं---असंखेज्जवासाउय-अकम्मभूमग-अंतरदीवगमणुस्सतिरिक्खजोणिएहितो वि उववज्जति । सेसं तं चेव । एवं जाव थणियकूमारा॥
१. पंचमं (क,ख,)।