Page Text
________________
पंचमं विसेसपयं
११७
दव्वट्ठयाए तुल्ले । पदेसट्टयाए तुल्ले । ओगाहणट्ठयाए चउढाणवडिते। ठितीए चउढाणवडिते । कालवण्णपज्जवेहिं तुल्ले । अवसेसेहिं वण्ण-गंध-रस-फासपज्जवेहि तिहिं णाणेहि तिहि अण्णाणेहिं तिहि दंसणेहि य छढाणवडिते । से तेणट्ठणं गोयमा ! एवं वुच्चतिजहण्णगुणकालयाण नेरइयाणं अणंता पज्जवा पण्णत्ता ।।
३८. एवं उक्कोसगुणकालए वि । अजहण्णमणुक्कोसगुणकालए वि एवं चेव, णवरंकालवण्णपज्जवेहि छट्ठाणवडिते ॥
३६. एवं अवसेसा चत्तारि वण्णा दो गंधा पंच रसा अट्र फासा भाणितवा॥
४०. जहण्णाभिणिबोहियणाणीणं भंते ! नेरइयाणं केवतिया पज्जवा पण्णत्ता ? गोयमा ! जहण्णाभिणिबोहियणाणीणं नेरइयाणं अणंता पज्जवा पण्णत्ता॥
४१. से केणटठेणं भंते ! एव वच्चति- जहण्णाभिणिबोहियणाणीणं नेरइयाणं अणंता पज्जवा पण्णत्ता ? गोयमा ! जहण्णाभिणिबोहियणाणी नेरइए जहाणाभिणिबोहियणाणिस्स नेरइयस्स दव्वट्ठयाए तुल्ले । पदेसट्टयाए तुल्ले । ओगाहणट्ठयाए चउट्ठाणवडिते। ठितीए चउढाणवडिते । वण्ण-गंध-रस-फासपज्जवेहिं छट्ठाणवडिते। आभिणिवोहियणाणपज्जवेहिं तुल्ले। सुतणाण-ओहिणाणपज्जवेहि छट्ठाणवडिते। तिहिं दंसणेहि छट्ठाणवडिते॥
४२. एवं उक्कोसाभिणिबोहियणाणी वि। अजहण्णमणुक्कोसाभिणिबोहियणाणी वि एवं चेव, नवरं-आभिणिवोहियणाणपज्जवेहिं सट्टाणे छट्ठाणवडिते ।।
४३. एवं सुतणाणी ओहिणाणी वि, णवरं-जस्स णाणा तस्स अण्णाणा णत्थि । जहा नाणा तहा अण्णाणा वि भाणितव्वा, नवरं--जस्स अण्णाणा तस्स नाणा न भवंति ।।
४४. जहण्णचक्खदंसणीणं भंते ! नेरइयाणं केवतिया पज्जवा पण्णत्ता? गोयमा ! अणंता पज्जवा पण्णत्ता॥
___४५. से केणढेणं भंते ! एवं वुच्चति जहण्णचक्खुदंसणीणं ने रइयाणं अणंता पज्जवा पण्णत्ता ? गोयमा ! जहण्णचक्खुदंसणी णं नेरइए जहण्णचक्खुदंसणिस्स नेरइयस्स दव्वट्ठयाए तुल्ले। पदेसट्टयाए तुल्ले । ओगाहणट्ठयाए च उट्ठाणवडिते । ठितीए चउट्ठाणवडिते। वण्ण-गंध-रस-फासपज्जवेहिं तिहिं णाणेहिं तिहिं अण्णाणेहि छट्टागवडिते। चक्खुदंसणपज्जवेहिं तुल्ले । अचक्खुदंसणपज्जवेहिं ओहिदंसणपज्जवेहि य छट्ठाणवडिते॥
४६. एवं उक्कोसचक्खुदंसणी वि। अजहण्णमणुक्कोसचक्खुदंसणी वि एवं चेव, नवरं-सट्ठाणे छट्ठाणवडिते ।।
४७. एवं अचक्खुदंसणी वि ओहिदसणी वि ।। ओगाहणाई पडुच्च भवणवासीणं पज्जव-पदं
४८. जहण्णोगाहणगाणं भंते ! असुरकुमाराणं केवतिया पज्जवा पण्णत्ता ? गोयमा ! अणंता पज्जवा पण्णत्ता॥
४६. से केणठेणं भंते ! एवं वुच्चति-जहण्णोगाहणगाणं असुरकुमाराणं अणंता पज्जवा पण्णत्ता ? गोयमा ! जहण्णोगाहणए असुरकुमारे जहण्णोगाहणगस्स असुरकुमारस्स
१. ओधिनाण° (पु)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |