Page Text
________________
पण्णवणासुत्तं पज्जवेहि तिहिं णाणेहि तिहिं अण्णाणेहि तिहिं दंसणेहि य छट्टाणवडिते॥
२६. उक्कोसोगाहणयाणं भंते ! नेरइयाणं केवतिया पज्जवा पण्णत्ता? गोयमा ! अणंता पज्जवा पण्णत्ता॥
30. से कणटणं भंते ! एवं वच्चति- उक्कोसोगाहणयाणं नेरइयाणं अणंता पज्जवा पण्णत्ता ? गोयमा ! उक्कोसोगाहणए नेरइए उक्कोसोगाहणगस्स नेरइयस्स दव्वट्ठयाए तुल्ले। पदेसट्टयाए तुल्ले। ओगाहणट्ठयाए तुल्ले। ठितीए सिय हीणे सिय तुल्ले सिय अब्भहिए--जति हीणे असंखेज्जभागहीणे वा संखेज्जभागहीणे वा। अह अब्भहिए असंखेज्जभागअब्भहिए वा संखेज्जभागअब्भहिए वा। वण्ण-गंध-रस-फासपज्जवेहि तिहि णाणेहिं तिहि अण्णाणेहि तिहिं दंसणेहि छट्ठाणवडिते ।।
३१. अजहण्णुक्कोसोगाहणगाणं भंते ! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता ।
३२. से केणठेणं भंते ! एवं वुच्चति-अजहण्णुक्कोसोगाहणगाणं नेरइयाणं अणंता पज्जवा पण्णत्ता ? गोयमा ! अजहण्णुक्कोसोगाहणए नेरइए अजहण्णुक्कोसोगाहणगस्स नेरइयस्स दव्वट्ठयाए तुल्ले । पदेसट्टयाए तुल्ले । ओगाहणट्टयाए सिए हीणे सिय तुल्ले सिय अब्भहिए-जति हीणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा । अह अब्भहिए असंखेज्जभागअब्भहिए वा संखेज्जभागअब्भहिए वा संखेज्जगुणअब्भहिए वा असंखेज्जगुणअब्भहिए वा। ठितीए सिय हीणे सिय तुल्ले सिय अब्भहिए-जति हीणे असंखेज्जभागहीणे वा संखेज्जभागहीणे वा संखेज्जगुणहीणे वा असंखेज्जगुणहीणे वा। अह अब्भहिए असंखेज्जभागअब्भहिए वा संखेज्जभागअब्भहिए वा संखेज्जगुणअब्भहिए वा असंखेज्जगुणअब्भहिए वा। वण्ण-गंध-रस-फासपज्जवेहिं तिहिं णाणेहिं तिहिं अण्णाणेहिं तिहिं दंसणेहिं छट्ठाणवडिते। से तेणढेणं गोयमा ! एवं वुच्चति-अजहण्णुक्कोसोगाहणगाणं नेरइयाणं अणंता पज्जवा पण्णत्ता।
३३. जहण्ण द्वितीयाणं भंते ! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता॥
३४. से केणठेणं भंते ! एवं वुच्चइ-जहण्ण द्वितीयाणं नेरइयाणं अणंता पज्जवा पण्णत्ता ? गोयमा ! जहण्णट्टितीए नेरइए जहण्ण ट्ठितीयस्स नेरइयस्स दव्वट्ठयाए तुल्ले । पदेसट्टयाए तुल्ले। ओगाहणट्ठयाए च उट्ठाणवडिते। ठितीए तुल्ले। वण्ण-गंध-रस-फासपज्जवेहिं तिहिं णाणेहिं तिहिं अण्णाणेहि तिहि राणेहि य छट्ठाणवडिते॥
३५. एवं उक्कोसद्वितीए वि। अजहण्णमणुक्कोसद्वितीए' वि एवं चेव, णवरंसट्टाणे चउट्ठाणवडिते ॥
३६. जहण्णगुणकालल्याणं भंते ! नेरइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता।
३७. से केणठेणं भंते ! एवं वुच्चति-जहण्णगुणकालयाण नेरइयाणं अणंता पज्जवा पण्णत्ता ? गोयमा ! जहण्णगुणकालए नेरइए जहष्णगुणकालगस्स नेरइयस्स १. अजहष्णुक्कोस (घ,पु)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |