Page Text
________________
११८
पण्णवणासुत्तं
दव्वट्ठयाए तुल्ले। पदेसट्ठायाए तुल्ले । ओगाहणट्ठयाए तुल्ले । ठितीए चउट्ठाणवडिते । वण्णादीहिं छट्ठाणवडिते। आभिणिबोहियणाण-सूतणाण-ओहिणाणपज्जवेहिं तिहिं अण्णाणेहिं दसणेहि य छट्ठाणवडिते ।
५०. एवं उक्कोसोगाहणए वि । एवं अजहण्णमणुक्कोसोगाहणए' वि, नवरंउक्कोसोगाहणए वि असुरकुमारे ठितीए चउट्ठाणवडिते ।।
५१. एवं जाव' थणियकुमारा॥ ओगाहणाइं पड़च्च एगिदियाणं पज्जव-पदं
५२. जहण्णोगाहणगाणं भंते ! पुढविकाइयाणं केवतिया पज्जवा पण्णत्ता ? गोयमा ! अणंता पज्जवा पण्णत्ता ।।
५३. से केणठेणं भंते ! एवं वुच्चति -जहण्योगाहणगाणं पुढविकाइयाणं अणंता पज्जवा पण्णत्ता ? गोयमा ! जहण्णोगाहणए पुढविकाइए जहण्णोगाहणगस्स पुढविकाइयस्स दव्वट्ठयाए तुल्ले । पदेसट्टयाए तुल्ले । ओगाहणट्ठयाए तुल्ले। ठितीए तिढाणवडिते। वण्णगंध-रस-फासपज्जवेहिं दोहिं अण्णाणेहिं अचक्खुदंसणपज्जवेहि य छट्ठाणवडिते ।।
५४. एवं उक्कोसोगाहणए वि । अजहण्णमणुक्कोसोगाहणए वि एवं चेव, नवरं-- सट्टाणे चउट्ठाणवडिते ॥
५५. जहण्णट्ठितीयाणं भंते ! पुढविकाइयाणं पुच्छा। गोयमा ! अणंता पज्जवा पण्णत्ता ॥
५६. से केणठेणं भंते ! एवं वुच्चति-जहण्णद्वितीयाणं पुढविकाइयाणं अणंता पज्जवा पण्णत्ता ? गोयमा ! जहण्णठितीए पुढविकाइए जहण्णठितीयस्स पुढविकाइयस्स दव्वट्टयाए तुल्ले । पदेसट्टयाए तुल्ले । ओगाहणट्ठयाए चउट्ठाणवडिते। ठितीए तुल्ले । वण्णगंध-रस-फासपज्जवेहिं मतिअण्णाण-सुतअण्णाण-अचक्खुदंसणपज्जवेहि य छट्टाणवडिते ।।
५७. एवं उक्कोसट्टितीए वि । अजहण्णमणुक्कोसट्टितीए वि एवं चेव, णवरं-सट्ठाणे तिढाणवडिते ।।
५८. जहण्णगुणकालयाणं भंते ! पुढविकाइयाणं पुच्छा। गोयमा ! अणंता पज्जवा पण्णत्ता ।।
५६. से केणठेणं भंते ! एवं वुच्चति-जहण्णगुणकालयाणं पुढविकाइयाणं अणंता पज्जवा पण्णत्ता ? गोयमा ! जहण्णगुणकालए पुढविकाइए जहण्णगुणकालगस्स पुढविकाइयस्स दव्वट्ठयाए तुल्ले । पदेसट्ठयाए तुल्ले । ओगाहणट्ठयाए चउट्ठाणवडिते। ठितीए तिढाणवडिते । कालवण्णपज्जवेहिं तुल्ले । अवसेसेहिं वण्ण-गंध-रस-फासपज्जवेहि छट्ठाणवडिते। दोहिं अण्णाणेहिं अचक्खुदंसणपज्जवेहि य छट्ठाणवडिते॥
६०. एवं उक्कोसगुणकालए वि । अजहण्णमणुक्कोसगुणकालए वि एवं चेव, णवरंसट्ठाणे छट्ठाणवडिते॥
६१. एवं पंच वण्णा दो गंधा पंच रसा अट्ठ फासा भाणितव्वा ।। १. अणुककोमजहष्णोगाहणए (ख) ।
ग्रहणं तथा शेषभवनवासिनिकायानां ग्रहणं च २. अनावसदेत अपुरकुभारालापके स्थित्यादीनां जायते ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |