Page Text
________________
पण्णवणासुतं
पवरवत्थपरिहिया कल्लाणगपवर मल्लाणुलेवणधरा भासुरबोंदी पलंबवणमालधरा दिव्वेणं वणेणं दिव्वेणं गंधेणं दिव्वेणं फासेणं दिव्वेणं संघयणेणं दिव्वेणं संठाणेणं दिव्वाए इड्ढीए दिव्वाए जुतीए दिव्वाए पभाए दिव्वाए छायाए दिव्वाए अच्चीए दिव्वेणं तेएणं दिव्वाए लेस्साए दस दिसाओ उज्जोवेमाणा पभासेमाणा । ते णं तत्थ साणं- साणं भोमेज्जगणगरावाससतसहस्साणं' साणं साणं सामाणियसाहस्सीणं साणं- साणं अग्ग महिसीणं साणं-साणं परिसाणं साणं-साणं अणियाणं साणं-साणं अणियाधिवतीणं साणं-साणं आयरक्खदेवसाहसी अण्णेसि च बहूणं वाणमंतराणं देवाण य देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणावच्चं कारेमाणा पालेमाणा महयाहतणट्ट-गीयवाइयतंती - तल-ताल-तुडिय- घणमुइंगपडुप्पवाइयरवेणं दिव्वाइं भोगभोगाई भुंजमाणा
५६
विहरति ॥
४२. कहि णं भंते ! पिसायाणं देवाणं पज्जत्तापज्जत्ताणं ठाणा पण्णत्ता ? कहि णं भंते! पिसाया देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरि एवं जोयणसतं ओगाहित्ता हेट्ठा वेगं जोयणसतं वज्जेत्ता मज्झे अट्ठसु जोयणसएसु, एत्थ णं पिसायाणं देवाणं तिरियमसंखेज्जा भोमेज्जाणगरावाससतसहस्सा' भवतीति मक्खातं । ते णं भोमेज्जाणगरा वाहि वट्टा जहा ओओ भवणवण्णओ तहा भाणितव्वो जाव' पडिरूवा । एत्थ णं पिसायाणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं बहवे पिसाया देवा परिवसंतिमहिड्डिया जहा ओहिया जाव विहरति ।
काल- महाकाल यत्थ दुवे पिसायइंदा' पिसायरायाणो परिवसंति - महिड्डिया महज्जुइया जाव' विहरति ॥
४३. कहि णं भंते ! दाहिणिल्लाणं विसायाणं देवाणं पज्जत्तापज्जत्ताणं ठाणा पण्णत्ता ? कहि णं भंते ! दाहिणिल्ला पिसाया देवा परिवसंति ? गोयमा ! जंबुद्दीवे दीवे मंदरस्स पव्वयस्स दाहिणेणं इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरि एवं जोयणसतं ओगाहित्ता हेट्ठा वेगं जोयणसतं वज्जेत्ता मज्झे असु जोयस, एत्थ णं दाहिणिल्लाणं पिसायाणं देवाणं तिरियमसंखेज्जा भोमेज्जगनगरावास सतसहस्सा' भवतीति मक्खातं । 'ते णं भोमेज्जगणगरा वाहि वट्टा जहा" ओहिओ भवणवणओ तहा" भाणियव्वो जाव" पडिरूवा । एत्थ णं दाहिणिल्लाणं पिसायाणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे । तत्थ णं बहवे दाहि
१. भोमेज्जणगरा° (क, ख ) ; असंखेज्जा भोमेज्जानगरा° ( ग ) ।
२. भोमेज्ज° (ख,ग,घ); स्वीकृतपाठे एकपदे सन्धिवर्त्तते ।
३. प० २।३० ।
४. प० २।४१ ।
५. पिसाइंदा (ख, घ); पिसायंदा ( ग ) ।
Jain Education International
६. प० २।४१ ।
७. x (क, ख, ग ) ।
८. भोमेज्जनगरा (क, ख, ग, घ ) । ६. ते णं भवणा जहा ( क, ख, ग, घ ) ।
१०. तहेव ( क ) ।
११. ० २।३० ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |