Page Text
________________
बिइयं गणपर्व
वाणमंतरदेवठाण-पदं
४१. कहिणं भंते ! वाणमंतराणं देवाणं पज्जत्तापज्जत्ताणं ठाणा पण्णत्ता ? कहिणं भंते ! वाणमंतरा देवा परिवसंति ? गोयमा! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स उवरिं एगं जोयणसतं ओगाहित्ता हेट्ठा वि एग जोयणसतं वज्जेत्ता मज्झे अट्ठसु जोयणसएसु, एत्थ णं वाणमंत राणं देवाणं तिरियमसंखेज्जा भोमेज्जणगरावाससतसहस्सा भवंतीति मक्खातं । ते णं भोमेज्जा णगरा बाहिं वड़ा अंतो चउरंसा अहे पुक्खरकण्णियासंठाणसंठिता उक्किण्णंतरविउलगंभीरखाय-परिहा पागारट्रालय-कवाड-तोरण-पडिदुवारदेसभागा जंत-सयग्घि-मुसल-मुसुंढिपरिवारिया' अओज्झा सदाजता सदागुत्ता अडयालकोट्ठगरइया अडयालकयवणमाला खेमा सिवा किंकरामरदंडोवरक्खिया लाउल्लोइयमहिया गोसीस-सरसरत्तचंदणदद्दरदिन्नपंचंगुलितला उवचितवंदण कलसा वंदणघडसुकयतोरणपडिदुवारदेसभागा आसत्तोसत्तविउलवट्टवग्धारियमल्लदामकलावा पंचवण्णसरससुरभिमुक्कपुप्फपुंजोवयारकलिया कालागरु-पवरकुंदुरुक्क-तुरुक्कधूवमघमघेतगंधुद्धयाभिरामा सुगंध-वरगंध-गंधिया गंधवट्टिभूता अच्छरगणसंघसंविकिण्णा दिव्वतुडितसद्दसंपणदिता पडागमालाउलाभिरामा सव्वरयणामया अच्छा सण्हा लण्हा घट्टा मद्रा नीरया निम्मला निप्पंका णिक्कंकडच्छाया सप्पभा सस्सिरीया सउज्जोता पासादीया' दरिसणिज्जा अभिरूवा पडिरूवा, एत्थ णं वाणमंतराणं देवाणं पज्जत्तापज्जत्ताणं ठाणा पण्णत्ता । तिसु वि लोगस्स असंखेज्जइभागे। तत्थ णं बहवे वाणमंतरा देवा परिवसंति, तं जहा–पिसाया भूया जक्खा रक्खसा किन्नरा किंपुरिसा, भयगवइणो य महाकाया, गंधव्वगणा य निउणगंधव्वगीतरइणो अणवण्णिय-पणवण्णिय-इसिवाइय भयवाइय-कंदित-महाकदिय-कुहंड-पयगदेवा चंचलचलचवलचित्तकीलण-दवप्पिया गहिरहसिय'-गीय-णच्चणरई वणमालामेल-मउल-कुंडल-सच्छंदविउव्वियाभरणचारुभसणधरा सव्वोउयसुरभिकुसुमसुरइयपलंबसोहंतकंतवियसंताचित्तवणमाल रइयवच्छा' कामगमा कामरूवदेहधारी णाणाविहवण्णरागवरवत्थ-चित्तचिल्लगणियंसणा' विविहदेसिणेवच्छगहियवेसा पमुइयकंदप्प-कलह-के लि-कोलाहलप्पिया हास-बोलबहुला असि-मोग्गर-सत्तिकुंतहत्था अणेगमणि-रयण विविहणिजुत्तविचित्तचिंधगया" सुरूवा महिड्ढीया महज्जतीया महायसा महाबला महाणुभागा" महासोक्खा हारविराइयवच्छा कडय-तुडितथंभियभुया अंगय"-कुंडल-मट्ठगंडयलकण्णपीढधारी विचित्तहत्थाभरणा" विचित्तमाला-मउली कल्लाणग
१. परियारिया (क,ख,घ)।
(घ)। २. ४ (क,ख,ग,घ)।
६. भलत्तिचित्तरूवगणियंसणा (ख); मुद्रितवृत्ती ३. पासातीता (घ)।
'चिल्ललगानि' इति दृश्यते । ४. महाकंदिया य (क,ग,घ,पु)।
१०. °देसणेवत्थ° (ख,ग,घ)। ५. गहिरहसियपिय (क,ख,ग,घ)।
११. °णिजुत्तचित्त° (क,ख,ग,घ) । ६. मउड (क,ग,घ)।
१२. महाणुभावा (घ)। ७. °विहसंत° (घ)।
१३. संगय (क,ख,ग,घ)। ८. कामकामा (क,ख,ग, मपा); कामकमा १४. °वत्याभरणा (घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |