Page Text
________________
बिइयं ठाणपयं
५७
णिल्ला पिसाया देवा परिवसंति-महिड्ढिया जहा ओहिया जाव' विहरंति । काले यत्थ पिसायइंदे पिसायराया परिवसति--महिड्ढीए जाव' पभासेमाणे । से णं तत्थ तिरियमसंखेज्जाणं भोमेज्जगनगरावाससतसहस्साणं चउण्हं सामाणियसाहस्सीणं चउण्हमग्गम हिसीणं' सपरिवाराणं तिण्हं परिसाणं सत्तण्हं अणियाणं सत्तण्हं अणियाधिवतीणं सोलसण्हं आतरक्खदेवसाहस्सीणं अण्णेसिं च बहूणं दाहिणिल्लाणं वाणमंतराणं देवाण य देवीण य आहेवच्चं जाव विहरति ।
४४. उत्तरिल्लाणं पुच्छा। गोयमा ! जहेव दाहिणिल्लाणं वत्तव्वया तहेव' उत्तरिल्लाणं पि, नवरं-मंदरस्स पव्वयस्स उत्तरेणं । महाकाले यत्थ पिसायइंदे पिसायराया परिवसति जाव' विहरति ।।
४५. एवं जहा पिसायाणं तहा भूयाणं पि जाव गंधव्वाणं, णवर---इंदेसू णाणत्तं भाणियव्वं इमेण विहिणा-भूयाणं सुरूव-पडिरूवा, जक्खाणं पुण्णभद्द-माणिभद्दा, रक्खसाणं भीम-महाभीमा, किण्णराणं किण्णर-किंपुरिसा, किंपुरिसाणं सप्पुरिस-महापुरिसा, महोरगाणं अइकाय-महाकाया, गंधव्वाणं गीतरति -गीतजसे जाव' विहरति ।
१ काले य महाकाले, २ सुरूव पडिरूव ३ पुण्णभद्दे य । अमरवइ माणिभद्दे, ४ भीमे य तहा महाभीमे ॥१॥ ५ किण्णर किंपुरिसे खलु, ६ सप्पुरिसे खलु तहा महापुरिसे ।
७ अइकाय महाकाए, ८ गीयरई चेव गीतजसे ॥२॥ ४६. कहि णं भंते ! अणवन्नियाणं देवाणं [पज्जत्तापज्जत्ताणं ? ] ठाणा पण्णत्ता ? कहि णं भंते ! अणवणिया देवा परिवसंति ? गोयमा ! इमीसे रयणप्पभाए पुढवीए रयणामयस्स कंडस्स जोयणसहस्सबाहल्लस्स 'उरि हेट्ठा य एगं जोयणसयं वज्जेत्ता मज्झे अट्ठसु जोयणसतेसु, एत्थ णं अणवण्णियाणं देवाणं तिरियमसंखेज्जा भोमेज्जा" णगरावाससयसहस्सा भवंतीति मक्खातं । ते णं जाव' पडिरूवा, एत्थ णं अणवणियाणं देवाणं ठाणा । उववाएणं लोयस्स असंखेज्जइभागे, समुग्घाएणं लोयस्स असंखेज्जइभागे, सट्ठाणणं लोयस्स असंखेज्जइभागे। तत्थ णं वहवे अणवन्निया देवा परिवसंति--महड्ढिया जहा पिसाया जाव" विहरंति ।। सन्निहिय-सामाणा" यत्थ दुवे अणवण्णिदा अणवण्णियकुमाररायाणो परिवसंति-महिड्ढीया जहा" काल-महाकाला ॥ १.१०२१४१ ।
८. गीतरती (क,ग)। २. प०२१४१ ।
६. प० २१४३,४४। ३. चउण्हं य अग्ग° (क); चउण्ह य मग्ग° (ख, १०. उरि जाव अट्ठसु (ख,ग,घ)। ग); चउण्ह य अग्ग° (घ)।
११.४ (क,ख,ग,पु)। ४. प० २।३० ।
१२. प० २०४१। ५. प० २।४३ ।
१३. प० २।४२। ६. प० २०४३।
१४. सामाणी (क); सामाणि (ग)। ७. प० २।४३,४४ ।
१५. प० २।४२ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |