Page Text
________________
पण्णवणासुत्तं सम्मुच्छिमा य गब्भवक्कंतिया य। तत्थ णं जेते सम्मुच्छिमा ते सव्वे नपुंसगा । तत्थ णं जेते गब्भवक्कंतिया ते णं तिविहा पण्णत्ता, तं जहा-इत्थी पुरिसा नपुंसगा। एएसि णं एवमाइयाणं पज्जत्तापज्जत्ताणं उरपरिसप्पाणं दस जाइकुलकोडीजोणिप्पमहसतसहस्सा हवंतीति मक्खातं । से तं उरपरिसप्पा ।
७६. से किं तं भुयपरिसप्पा ? भुयपरिसप्पा अणेगविहा पण्णत्ता, तं जहा–णउला गोहा' सेहा' सरडा सल्ला सरंडा' सारा घरोइला विस्संभरा मूसा मंगुसा पयलाइया छीरविरालिया जाहा चउप्पाइया । जे यावऽण्णे तहप्पगारा। ते समासतो दुविहा पण्णत्ता, तं जहा-- सम्मुच्छिमा य गब्भवक्कंतिया य । तत्थ णं जेते सम्मुच्छिमा ते सव्वे णपुंसगा। तत्थ ण जेते गब्भवक्कंतिया ते णं तिविहा पण्णत्ता, तं जहा-इत्थी परिसा नपंसगा। एतेसि णं एवमाइयाणं पज्जत्तापज्जत्ताणं भयपरिसप्पाणं णव जाइकुलकोडिजोणीपमुहसयसहस्सा हवंतीति मक्खायं। से तं भयपरिसप्पथलयरपंचेंदियतिरिक्खजोणिया। से तं परिसप्पथलयरपंचेंदियतिरिक्खजोणिया ।।
७७. से किं तं खहयरपंचेंदियतिरिक्खजोणिया ? खहयरपंचेंदियतिरिक्खजोणिया चउव्विहा पण्णत्ता, तं जहा-चम्मपक्खी लोमपक्खी समुग्गपक्खी विततपक्खी ।।
७८. से किं तं चम्मपक्खी ? चम्मपक्खी अणेगविहा पण्णत्ता, तं जहा-वग्गुली जलोया अडिला'भारंडपक्खी जीवंजीवा समुद्दवायसा कण्णत्तिया पक्खिबिराली, जे यावण्णे तहप्पगारा । से तं चम्मपक्खी ।।
७६. से कि तं लोमपक्खी ? लोमपक्खी अणेगविहा पण्णत्ता, तं जहा-ढंका कंका कुरला वायसा चक्कागा' हंसा कलहंसा पायहंसा रायहंसा अडा सेडी बगा बलागा पारिप्पवा कोंचा सारसा मेसरा मसूरा मयूरा सतवच्छा गहरा पोंडरीया कागा कामंजुगा' वंजुलगा तित्तिरा वट्टगा लावगा कवोया कविजला पारेवया चिडगा चासा कुक्कुडा सुगा वरहिणा ‘मदणसलागा कोइला" सेहा वरेल्लगमादी । से तं लोमपक्खी ।
८०. से किं तं समुग्गपक्खी" ? समुग्गपक्खी एगागारा पण्णत्ता, ते णं णत्थि इहं, बाहिरएसु दोव-समुद्दएसु भवंति । से त्तं समुग्गपक्खी ॥
८१. से किं तं विततपक्खी ? विततपक्खी एगागारा पण्णत्ता, ते णं नत्थि इहं, बाहिरएसु दीव-समुद्दएसु भवंति । से तं विततपक्खी । ते समासतो दुविहा पण्णत्ता, तं जहा-सम्मुच्छिमा य गब्भवक्कंतिया य । तत्थ णं जेते सम्मुच्छिमा ते सव्वे नपंसगा। तत्थ णं जेते गब्भवक्कंतिया ते णं तिविहा पण्णत्ता, तं जहा-इत्थी पुरिसा नपुंसगा। १. ४ (क,ख,ग,घ)।
५. अडिल्ला (क)। २. 'ग' संकेतितादर्श स्वीकृतपाठी लभ्यते । जीवा- ६. चक्कग (क,घ); चक्कवागा (ख)।
जीवाभिगमे (२६) भुजपरिसर्पप्रकरणे ७. कामिजगा (क); कामिजुगा (घ)। 'सेधाओ' इति पाठो दृश्यते।
८. वट्टागा (क)। ३. सरंठा (क,ख,पु); सरठा (घ)।
६. मद्दणसलागा कोकिला (क); सद्दण (घ)। ४. मंगूसा (क); मुगुस (उवा० २।२१, पण्हा० १०. सामुग्ग° (घ) ।
१८)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |