Page Text
________________
२६
पण्णवणासुत्तं
६१. से कि तं थलयरपंचेंदियतिरिक्खजोणिया? थलयरपंचेंदियतिरिक्खजोणिया दुविहा पण्णत्ता, तं जहा-चउप्पयथलयरपंचेंदियतिरिक्खजोणिया य परिसप्पथलयरपंचेंदियतिरिक्खजोणिया य ॥
६२. से कि तं चउप्पयथलयरपंचेंदियतिरिक्खजोणिया? चउप्पयथलयरपंचेंदियतिरिक्खजोणिया चउविहा पण्णत्ता, तं जहा-एगखुरा दुखुरा गंडीपदा सणप्फदा ॥
६३. से किं तं एगखुरा ? एगखुरा अणेगविहा पण्णत्ता, तं जहा-अस्सा अस्सतरा घोडगा गद्दभा गोरक्खरा कंदलगा सिरिकंदलगा आवत्ता । जे यावण्णे तहप्पगारा। से तं एगखुरा ॥
६४. से किं तं दुखुरा ? दुखरा अणेगविहा पण्णत्ता, तं जहाउट्टा गोणा गवया रोज्झा पसया महिसा मिया संवरा वराहा अय-एलग-रुरु-सरभ-चमर-कुरंग-गोकण्णमादी। 'जे यावण्णे तहप्पगारा" । से तं दुखुरा ।।
६५. से किं तं गंडीपया ? गंडीपया अणेगविहा पण्णत्ता, तं जहा-हत्थी पूयणया' मंकुणहत्थी खग्गा गंडा । जे यावण्णे तहप्पगारा। से तं गंडीपया ।।
६६. से किं तं सणप्फदा ? सणप्फदा अणेगविहा पण्णत्ता, तं जहा-सीहा वग्घा दीविया अच्छा तरच्छा परस्सरा सियाला बिडाला सुणगा कोलसूणगा कोकंतिया ससगा चित्तगा चित्तलगा। जे यावण्णे तहप्पगारा। सेत्तं सणप्फदा । ते समासतो दुविहा पण्णत्ता तं जहा--सम्मच्छिमा य गब्भवक्कंतिया य । तत्थ णं जेते सम्मुच्छिमा ते सव्वे णपुंसगा। तत्थ णं जेते गब्भवतिया ते तिविहा पण्णत्ता, तं जहा-इत्थी पूरिसा णपंसगा। एतेसि णं एवमादियाणं थलयरपंचिदियतिरिक्खजोणियाणं पज्जत्तापज्जताणं दस जाइकुलकोडिजोणिप्पमुहसयसहस्सा हवंतीति मक्खातं। से तं च उप्पयथलयरपंचेंदियतिरिक्ख जोणिया॥
६७. से किं तं परिसप्पथलयरपंचेंदियतिरिक्खजोणिया ? परिसप्पथलयरपंचेंदियतिरिक्खजोणिया दुविहा पण्णत्ता, तं जहा-उरपरिसप्पथलयरपंचेंदियतिरिक्खजोणिया य भुयपरिसप्पथलयरपंचेंदियतिरिक्खजोणिया य ॥
६८. से किं तं उरपरिसप्पथलयरपंचेंदियतिरिक्खजोणिया ? उरपरिसप्पथलयरपंचेदियतिरिक्खजोणिया चउम्विहा पण्णत्ता, तं जहा-अही अयगरा आसालिय महोरगा ।।
६६. से कि तं अही? अही दुविहा पण्णत्ता, तं जहा-दव्वीकरा य मउलिणो य ।।
७०. से कि तं दव्वीकरा ? दव्वीकरा अणेगविहा पण्णत्ता, तं जहा-आसीविसा दिट्ठीविसा उग्गविसा भोगविसा तयाविसा लालाविसा उस्सासविसा निस्सासविसा कण्हसप्पा सेदसप्पा काओदरा दब्भपुप्फा कोलाहा मेलिर्मिदा । जे यावण्णे तहप्पगारा। १. विखुरा (क,घ)।
५. चिल्ललगा (क); विल्ललगा (घ)। २. ४ (क,ख,घ,पु)।
६. लालविस्सा (ग)। ३. हत्थिपूयणया (क,ग,घ); पुयलया (ख)। ७. दज्झपुप्फा (ग)। ४. अरच्छा (घ)।
८. सेलिसिंदा (ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |