Page Text
________________
पढमं पण्णवणापर्यं
नेरइयजीव-पदं
५३. से किं तं नेरइया ? नेरइया सत्तविहा पण्णत्ता, तं जहा - रयणप्पभापुढविनेरइया, सक्करप्पभापुढविनेरइया, वालुयप्पभापुढविनेरइया, पंकप्पभापुढविने रइया, धूमप्पभापुढविनेरइया, तमप्पभापुढविनेरइया, तमतमप्पभापुढविनेरइया' । ते समासतो दुविहा पण्णत्ता, तं जहा - पज्जत्तगा य अपज्जत्तगा य । से त्तं नेरइया ॥ तिरिक्खजोणियजीव-पदं
५४. से किं तं पंचिदियतिरिक्खजोणिया ? पंचिदियतिरिक्खजोणिया तिविहा पण्णत्ता, तं जहा - जलयरपंचिदियतिरिक्खजोणिया, थलयरपंचिदियतिरिक्खजोणिया, खहयरपंचिदियतिरिक्खजोणिया ||
५५ से किं तं जलयरपंचिदियतिरिक्खजोणिया ? जलयरपंचिदियतिरिक्खजोणिया पंचविहा पण्णत्ता, तं जहा -मच्छा, कच्छभा', गाहा, मगरा, सुंसुमारा' ॥
५६. से किं तं मच्छा ? मच्छा अणेगविहा पण्णत्ता, तं जहा - सण्हमच्छा खवल्लमच्छा' जुगमच्छा विज्झिडियमच्छा' हलिमच्छा' मग्गरिमच्छा रोहियमच्छा हलीसागरा गागरा वडा वडगरा ' तिमी तिमिगिला' णक्का तंदुलमच्छा कणिक्कामच्छा सालिसच्छियामच्छा लंभणमच्छा पडागा पडागातिपडागा । जे यावण्णे तहप्पगारा । से तं
मच्छा ||
५७. से किं तं कच्छभा ? कच्छभा दुविहा पण्णत्ता, तं जहा - अट्टिकच्छभा य मंसकच्छभा य । सेत्तं कच्छभा ॥
५८. .से किं तं गाहा ? गाहा पंचविहा पण्णत्ता, तं जहा - दिली वेढला मुद्धया" पुलगा सीमागारा । से त्तं गाहा ॥
५६. से किं तं मगरा ? मगरा दुविहा पण्णत्ता, तं जहा- सोंडमगरा य मट्ठमगरा य । से त्तं मगरा ॥
६०. से किं तं सुंसुमारा ? सुंसुमारा एगागारा पण्णत्ता । से त्तं सुंसुमारा । 'जे यावणे तहप्पगारा"" ते समासतो दुविहा पण्णत्ता, तं जहा सम्मुच्छिमा य गब्भवक्कंतिया य । तत्थ णं जेते सम्मुच्छिमा ते सव्वे नपुंसगा । तत्थ णं जेते गब्भवक्कंतिया ते तिविहा पण्णत्ता तं जहा -- इत्थी पुरिसा नपुंसगा । एतेसि णं एवमाइयाणं जलयरपंचेंदियतिरिक्खजोणियाणं पज्जत्तापज्जत्ताणं अद्धतेरस जाइकुलकोडिजोणिप्पमुहसयसहस्सा भवतीति मक्खायं । से तं जलयरपंचेंदियतिरिक्खजोणिया ||
१. तमतमापुढवि (ख, घ) 1
२. कच्छहा ( क, ख, घ, पु) ।
३. शिशुमाराः प्राकृतत्वात् सूत्रे 'सुंसुमारा' इति
२५
पाठ: (मवृ) ।
४. खतमच्छा ( ख ) ।
५. चिभडिय° (ख); विभिडिय° (घ ) ।
६. हालिमच्छा ( ख ) 1
Jain Education International
७. मगरिमच्छा ( क ) ; मगरीमच्छा ( ख ) । ८. वडगरा कूयागारा ( ग ) ।
९. तिमंगिला (घ ) ।
१०. मुख्या ( क ) ; सुद्धया ( ख, ग, घ ) ।
११. चिन्हाङ्कितं वाक्यं पूर्वसूत्रेषु उत्तरसूत्रेष्वपि च निगमनवाक्यात् पूर्वं वर्तते ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |