Page Text
________________
नवमी दसविहपडिवत्ती
४६५
१५. अहवा दुविहा सव्वजीवा पण्णत्ता. तं जहा-सइंदिया चेव अणिदिया चेव ।।
१६. 'सइंदिए णं भंते ! सइंदिएत्ति कालतो केवचिरं होइ ? गोयमा ! सइंदिए दुविहे पण्णत्ते-अणाइए वा अपज्जवसिए, अणाइए वा सपज्जवसिए, अणिदिए साइए वा । अपज्जवसिए । दोण्हवि अंतरं णत्थि' ॥
१७. अप्पाबहुयं-सव्वत्थोवा अणिदिया, सइंदिया अणंतगुणा ॥ १८. अहवा दुविहा सव्वजीवा पण्णत्ता, तं जहा-सकाइया चेव अकाइया चेव ।। १६. सकाइयस्स' संचिट्ठणंतरं जहा असिद्धस्स, अकाइयस्स जहा सिद्धस्स ।। २०. अप्पाबहुयं-सव्वत्थोवा अकाइया, सकाइया अणंतगुणा ।। २१. अहवा दुविहा सव्वजीवा पण्णत्ता, तं जहा-अजोगी य सजोगी य तधेव ।। २२. अहवा दुविहा सव्वजीवा पण्णत्ता, तं जहा-सवेदगा चेव अवेदगा चेव ।।
२३. सवेदए णं भंते ! सवेदएत्ति कालतो केवचिरं होति ? गोयमा ! सवेदए तिविहे पण्णत्ते, तं जहा-अणादीए वा अपज्जवसिते, अणादीए वा सपज्जवसिए, साइए वा सपज्जवसिए । तत्थ णं जेसे साइए सपज्जवसिए से जहण्णणं अंतोमूहत्तं, उक्कोसेणं अणंतं कालंअणंताओ उस्सप्पिणी-ओसप्पिणीओ कालओ, खेत्तओ अवड्ढं पोग्गलपरियट्टू देसूणं ।।
२४. अवेदए णं भंते ! अवेदएत्ति कालओ केवचिरं होति ? गोयमा ! अवेदए दुविहे पण्णत्ते, तं जहा-साइए वा अपज्जवसिते, साइए वा सपज्जवसिते। तत्थ णं जेसे सादीए सपज्जवसिते, से जहण्णेणं एक्कं समयं, उक्कोसेणं अंतोमुत्तं ॥
२५. सवेदगस्स णं भंते ! केवतियं कालं अंतरं होति ? गोयमा ! अणादियस्स अपज्जवसियस्स णत्थि अंतरं, अणादियस्स सपज्जवसियस्स णत्थि अंतरं, सादीयस्स सपज्जवसियस्स जहण्णणं एक्कं समयं, उक्कोसेणं अंतोमुहुत्तं ॥
२६. अवेदगस्स णं भंते! केवतियं कालं अंतरं होइ ? गोयमा ! साइयस्स अपज्जवसियस्स णत्थि अंतरं, साइयस्स सपज्जवसियस्स जहण्णेणं अंतोमुहत्तं, उक्कोसेणं अणंतं कालं जाव' अवड्ढं पोग्गलपरियट्टं देसूणं । .. २७. अप्पाबहुगं-सव्वत्थोवा अवेदगा, सवेदगा अणंतगुणा ॥
२८. अहवा दुविहा सव्वजीवा पण्णत्ता, तं जहा-सकसाई य अकसाई य । सकसाई जहा सवेदए, अकसाई जहा अवेदए । सव्वत्थोवा अकसाई, सकसाई अणंतगुणा ॥
२६. अहवा दुविहा सव्वजीवा-सलेसा य अलेसा य जहा असिद्धा सिद्धा । सव्वत्थोवा अलेसा, सलेसा अणंतगुणा ॥ १. सइंदियस्स संचिट्ठणा अंतरं च जहा असिद्धस्स, सइंदिया (सकसाइया-ग) एषु आदर्शेषु सकषाअणिदियस्स जहा सिद्धस्स (ता) ।
यिकसूत्रानन्तरं लेश्यासूत्रं पुनलिखितमस्ति । २. १६-२१ सूत्राणां स्थाने क,ख,ग,ट,त्रि' ३. जी० ६।२३ ।
आदर्शेषु भिन्ना वाचना विद्यते---एवं चेव। ४. अस्य सूत्रस्य स्थाने 'क,ख,ग,ट,त्रि' आदर्शषु एवं सजोगी चेव अजोगी चेव तहेव । एवं एवं पाठभेदोस्ति–एवं सकसाई चेव अकसाई सलेस्सा चेव अलेस्सा चेव। ससरीरा चेव चेव, जहा सवेयके तहेव भाणियव्वे । असरीरा चेव । संचिट्ठणं अंतरं अप्पाबहुयं जहा ५. सकसादी (ता)।
Jain Education International
www.jainelibrary.org
For Private & Personal Use Only
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |