________________
तच्चा चउन्विहडिवत्ती
४७३ ओवमाइं । एवं मणुस्सा। देवा जहा णेरइया ।।
११३३. णेरइए' णं भंते ! णेरइयत्ताए कालतो केवच्चिरं होति ? जहा कायद्विती देवाणवि एवं चेव ॥
११३४. तिरक्खिजोणिए णं भंते ! तिरिक्खजोणियत्ताए कालतो केवच्चिरं होति ? गोयमा ! जहण्णेणं अंतोमुहत्तं, उक्कोसेणं वणस्सतिकालं ॥
११३५. मणुस्से णं भंते ! मणुस्सेत्ति कालतो केवच्चिरं होति ? गोयमा ! जहण्णेणं अंतोमुहुत्तं, उक्कोसेणं तिण्णि पलिओवमाइं पुव्वकोडिपुहत्तमब्भहियाई॥
११३६. णेरइयस्स' णं भंते ! केवतिकालं अंतरं होति ? गोयमा ! जहण्णणं अंतोमुहुत्तं उक्कोसेणं वणस्सतिकालं ।।
११३७. तिरिक्खजोणियस्स णं भंते ! केवतिकालं अंतरं होति ? गोयमा ! जहण्णेणं अंतोमुहुत्तं उक्कोसेणं सागरोवमसतपुहत्तं सातिरेगं । मणुय-देवाणं वणस्सतिकालं ॥
११३८. एतेसि णं भंते ! णेरइयाणं तिरिक्खजोणियाणं मणस्साणं देवाण य कतरे कतरेहितो अप्पा वा बहुया वा तुल्ला वा विसेसाहिया वा ? गोयमा ! सव्वत्थोवा मणुस्सा, णेरइया असंखेज्जगुणा, देवा असंखेज्जगुणा, तिरिक्खजोणिया अणंतगुणा । सेत्तं चउव्विहा संसारसमावण्णगा जीवा ॥
सेणं तिण्णि पलिओवमाई, एवं मणस्साण वि
देवाणं जहा णेरइयाणं। १. ११३३,११३४ सूत्रयोः स्थाने 'क, ख, ग, ट, त्रि' आदर्शेषु एवं पाठभेदोस्ति-देवणेरइयाणं जा चेव ठिती सच्चेव संचिट्ठणा। तिरिक्खजोणियस्स जहण्णेणं अंतोमुहत्तं उक्कोसेणं वणस्सतिकालो।
२.११३६,११३७ सूत्रयोः स्थाने 'क, ख, ग, ट, त्रि' आदर्शेष एवं पाठभेदोस्ति-णेरइयमणुस्सदेवाणं अंतरं जहण्णेणं अंतोमुहुत्तं उक्कोसेणं वणस्सतिकालो। तिरिक्खजोणियस्स अंतरं जहणेणं अंतोमुहत्तं उक्कोसेणं सागरोवमसयपुहत्तसाइरेगं।
Jain Education International
For Private & Personal Use Only
www.jainelibrary.org
