Page Text
________________
तच्चा चव्विहपडिवत्ती
तणं तत्थ तत्थ देसे तर्हि तहि बहूई' उप्पलाई जाव सहस्सपत्ताइं नीलवंतप्पभाई नीलवंतागाराई नीलवंतवण्णाई नीलवंतवण्णाभाई नीलवंते एत्थ नागकुमारिंदे नागकुमारया महिड्दिए जाव' पलिओवमट्टितीए परिवसति । से णं तत्थ चउन्हं सामाणियसाहस्सीणं जाव सोलसण्हं आयरक्खदेवसाहस्सीणं नीलवंतद्दहस्स नीलवंताए य रायहाणीए अण्णेसि च बहूणं वाणमंतराणं देवाण य देवीण य आहेवच्चं जाव विहरति । से तेणट्ठेणं गोयमा ! एवं वच्चति - णीलवंत, नीलवंत हे ||
६६० कहि णं भंते ! णीलवंतस्स नागकुमाररिदस्स नागकुमाररण्णो नीलवंता नाम राहाणी पण्णत्ता ? गोयमा ! नीलवंतद्दहस्सुत्तरेणं अण्णंमि जंबुद्दीवे दीवे बारस जोयणसहस्साइं जहा' विजयस्स ||
६६१. नीलवंतद्दहस्स णं पुरत्थिम- पच्चत्थिमेणं दस-दस जोयणाई अबाधाए, एत्थ गं दस-दस कंचणगपव्वता पण्णत्ता । ते णं कंचणगपव्वता एगमेगं जोयणसतं उड्ढ उच्चत्तेणं पणवीसं पणवीसं जोयणाई उव्वेहेणं, मूले एगमेगं जोयणसतं विक्खंभेणं, मज्झे पण्णत्तरि जोयणाई विक्खंभेणं", उवरि पण्णासं जोयणाई विक्खंभेणं, मुले तिष्णि सोलसुत्तरे' जोयणसते किचिविसेसाहिए" परिक्खेवेणं, मज्झे दोन्नि सत्ततीसे जोयणसते किचिविसेने' परिक्खेवेणं, उवरि एगं अट्ठावण्णं जोयणसतं किंचिविसेसूणे' परिक्खेवेणं, मूले वित्थिण्णा मज्झे संखित्ता उपि तणुया गोपुच्छसंठाणसंठिता सव्वकंचणमया अच्छा जाव पडिरूवा पत्तेयं-पत्तेयं पउमवरवेइयापरिक्खित्ता पत्तेयं-पत्तेयं वणसंडपरिक्खित्ता, वण्णओ" ॥
६६२. तेसि णं कंचणगपव्वताणं उप्पि बहुसमरमणिज्जा भूमिभागा पण्णत्ता 'जाव" आसयति ॥
६६३. तेसि णं बहुसमरमणिज्जाणं भूमिभागाणं बहुमज्झदेसभाए पत्तेयं - पत्तेयं पासायवडेंस पण्णत्ते - 'सड्ढबावट्ठ जोयणाई उड्ढं उच्चत्तेणं, एक्कतीसं जोयणाई कोसं च विक्खंभेणं, मणिपेढिया दोजोयणिया सीहासणा सपरिवारा"" ।।
६६४. 'से केणट्ठणं भंते ! एवं वुच्चति – कंचणगपव्वता ? कंचणगपव्वता ? गोयमा ! कंचणगेसु णं पव्वतेसु तत्थ - तत्थ देसे तहि तर्हि वावी उप्पलाई जाव कंचणगवण्णाभाई कंचणगा य एत्थ देवा महिड्डीया जाव" विहरति । से तेणट्ठेणं ५ ॥
वन्निरवशेषं वक्तव्यं यावद् विहरति' इति संक्षेपः सूचितोस्ति ।
१. जाव (क, ख, ट ) ; जाई (ग, त्रि) ।
२. जी० ३।३५० ।
३. जी० ३।३५१-५६५ ।
४. पणूवी ( क, ख, ता) |
५. आयाम विक्खंभेणं (क, ख, ग, ट, त्रि) ।
६. सोल (क,ग) : सोले (ख, ट, त्रि) । ७. किंचिविसेसूणे (ता) | ८. किंचिविसे साहिए (क, ख, ग, ट, त्रि) ।
३८५
Jain Education International
९. किचिविसेसाहिए (क, ख, ग, ट, त्रि) । १०. जी० ३।२६३ - २६७ ।
११. जी० ३।२७७-२९७ ।
१२. ससद्दं जाव विहरति (ता) : यावत्तृणानां मणीनां च शब्दवर्णन मिति (मवृ) ।
१३. जहा जमिगासु तहा जाव अट्ठो (ता) : जी० ३।६३४-६३६ ।
१४. जी० ३।६३७ ।
१५. कंचनप्पभाई कंचगा यत्थ दो देवा महिड्ढीया जाव पनि परिवसंति । ते णं तत्थ पत्तेयं २
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |