Page Text
________________
३८२
जीवाजीवाभिगमे
६३७. से केणठेणं भंते ! एवं वुच्चति-जमगा पव्वता? जमगा पव्वता ? गोयमा ! जमगपव्वतेसु'णं खुड्डा-खुड्डियासु जाव' विलपंतियासु बहूई उप्पलाइं जाव सहस्सपत्ताई जमगप्पभाई जमगागाराइं जमगवण्णाई जमगवण्णाभाई, जमगा य एत्थ दो देवा महिड्ढिया जाव पलिओवमट्टितीया परिवसंति । ते णं तत्थ पत्तेयं-पत्तेयं चउण्हं सामाणियसाहस्सीणं जाव' सोलसण्हं आयरक्खदेवसाहस्सीणं जमगपव्वताणं जमगाण य रायहाणीणं, अण्णेसि च बहूणं वाणमंतराणं देवाण य देवीण य आहेवच्चं 'पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणा' पालेमाणा विहरंति। से तेणठेणं गोयमा ! एवं-वुच्चति जमगा पव्वता जमगा पव्वता।
चणं गोयमा ! जाव णिच्चा"।
६३८. कहि णं भंते ! जमगाणं देवाणं जमगाओ नाम रायहाणीओ पण्णत्ताओ? गोयमा ! जमगपव्वयाणं उत्तरेणं तिरियमसंखेज्जे दीवसमुद्दे वीइवइत्ता अण्णंमि जंबुद्दीवे दीवे बारस जोयणसहस्साइं ओगाहित्ता, एत्थ णं जमगाणं देवाणं जमगाओ णाम रायहाणीओ पण्णत्ताओ-'वारस जोयणसहस्साइं जहा विजयस्स जावर एमहिड्ढिया जमगा देवा जमगा देवा ॥
६३६. कहि णं भंते ! उत्तरकुराए कुराए नीलवंतईहे" णामं दहे पण्णत्ते ? गोयमा ! जमगपव्वयाणं 'दाहिणिल्लाओ चरिमंताओ५ अट्ठचोत्तीसे जोयणसते चत्तारि सत्तभागा जोयणस्स अवाहाए सीताए महाणईए बहुमज्झदेसभाए, एत्थ णं उत्तरकुराए कुराए नीलवंतदहे नामं दहे पण्णत्ते-उत्तरदक्खिणायते पाईणपडीणविच्छिण्णे एगं जोयणसहस्सं आयामेणं, पंच जोयणसताइं विक्खंभेणं, दस जोयणाई उव्वेहेणं, अच्छे सण्हे रययामयकूले जाव' अणेगसउणगणमिथुणपविचरिय-सद्दुण्णइयमहुरसरणाइयए पासादीए दरिसणिज्जे अभिरूवे पडिरूवे, उभओ पासिं दोहि य पउमवरवेइयाहिं वणसंडेहि सव्वतो समंता संपरिक्खित्ते, दोण्हवि वण्णओ" ॥
६४०. नीलवंतद्दहस्स णं दहस्स तत्थ-तत्थ 'देसे तहि-तहिं बहवे तिसोमाणपडिरूवगा पण्णत्ता, वण्णओ" ॥
१. जमगेसु णं पव्वतेसु तत्थ-तत्थ देसे तहि-तहिं १०. सं० पा०—आहेवच्चं जाव पालेमाणा ।
बहुईओ खुड्डा खुड्डियाओ वावीओ जाव ११. x (ता, मवृ)। बिलपंतियाओ तासु णं (क,ख,ग,ट,त्रि)।। १२. जी० ३।३५५-५६५ । २. जी० ३।२८६ ।
१३. विजयरायहाणिसरिसियाओ एम्महिडढीया ३. बहुगाई (ता)।
जमगा जाव विहरंति (ता)। ४. जी० ३।२८६ ।
१४. णेलमंतबहे (ता)। ५. x (ता)।
१५. दाहिणणं (क,ख,ग,ट,त्रि)। ६. ४ (क,ख,ग,ट,त्रि)।
१६. जी० ३।२८६ । ७. x (क,ख,ग,ट,त्रि)।
१७. जी० ३।२६५-२६७। ८. जी० ३।३५० ।
१८. जी० ३।२८७ । ६. जी० ३।३५० ।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |