Page Text
________________
तच्चा बउविहपडिवत्ती
३६५ सपरिवाराणं तिण्हं परिसाणं सत्तण्हं अणियाणं सत्तण्हं अणियाहिवईणं सोलसण्हं आयरक्खदेवसाहस्सीणं विजयस्स णं दारस्स विजयाए रायहाणीए, अण्णेसिं च बहूणं विजयाए रायहाणीए वत्थव्वगाणं' देवाणं देवीण य आहेवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे महयाहयनट्ट-गीय-वाइय-तंती-तल-ताल-तुडियघण-मुइंग-पडुप्पवाइयरवेणं दिव्वाइं भोगभोगाइं भुंजमाणे विहरइ॥
५६४. विजयस्स णं भंते ! देवस्स केवतियं कालं ठिती पण्णत्ता ? गोयमा ! एगं पलिओवमं ठिती पण्णत्ता ॥
५६५. विजयस्स णं भंते ! देवस्स सामाणियाणं देवाणं केवतियं कालं ठिती पण्णत्ता ? गोयमा ! एगं पलिओवमं ठिती पण्णत्ता। एमहिड्ढीए एमहज्जुतीए एमहब्बले एमहायसे एमहासोक्खे एमहाणुभागे विजए देवे विजए देवे ॥
वेजयंतादि-अधिगारो ५६६. कहि णं भंते ! जंबुद्दीवस्स दीवस्स वेजयंते णामं दारे पण्णत्ते ? गोयमा ! जंबुद्दीवे दीवे मंदरस्स पव्वयस्स दक्खिणेणं पणयालीसं जोयणसहस्साई अबाधाए जंबुद्दीवे दीवे दाहिणपेरते लवणसमुद्ददाहिणद्धस्स उत्तरेणं, एत्थ णं जंबुद्दीवस्स दीवस्स वेजयंते णामं दारे पण्णत्ते --अट्ठ जोयणाई उड्ढं उच्चत्तेणं, सच्चेव सव्वा वत्तव्वता जाव' दारे॥
५६७. कहि णं भंते ! रायहाणी दाहिणे णं जाव वेजयंते देवे वेजयंते देवे ॥
५६८. कहि णं भंते ! जंबुद्दीवस्स दीवस्स जयंते णामं दारे पण्णत्ते ? गोयमा ! जंबुद्दीवे दीवे मंदरस्स पव्वयस्स पच्चत्थिमेणं पणयालीसं जोयणसहस्साइं जंबुद्दीवे दीवे पच्चत्थिमपेरंते लवणसमुद्दपच्चत्थिमद्धस्स पुरत्थिमेणं सीओदाए महाणदीए उप्पि, एत्थ णं जंबुद्दीवस्स दीवस्स जयंते णामं दारे पण्णत्ते । तं चेव से पमाणं जयंते देवे पच्चत्थिमेणं से रायहाणी जाव एम हिड्ढीए ।।
५६६. कहि णं भंते ! जंबुद्दीवस्स दीवस्स अपराइए णामं दारे पण्णत्ते ? गोयमा ! मंदरस्स उत्तरेणं पणयालीसं जोयणसहस्साइं अबाहाए जंबुद्दीवे दीवे उत्तरपेरते लवणसमुदस्स उत्तरद्धस्स दाहिणेणं, एत्थ णं जंबुद्दीवे दीवे अपराइए णामं दारे पण्णत्ते तं चेव पमाणं । रायहाणी उत्तरेणं जाव अपराइए देवे। चउण्हवि अण्णंमि जंबुद्दीवे ॥
५७०. जंबुद्दीवस्स णं भंते ! दीवस्स दारस्स य दारस्स य एस णं केवतियं अबाधाए अंतरे पण्णत्ते ? गोयमा ! अउणासीति जोयणसहस्साइं बावण्णं च जोयणाई देसूणं च अद्धजोयणं दारस्स य दारस्स य अबाधाए अंतरे पण्णत्ते॥
__ जंबुद्दीवाधिगारो ५७१. जंबुद्दीवस्स णं भंते ! दीवस्स पएसा लवणं समुदं पुट्ठा ? हंता पुट्ठा ॥
५७२. ते णं भंते ! किं जंबुद्दीवे दीवे ? 'लवणे समुद्दे ? गोयमा ! ते जंबुद्दीवे दीवे, १. अतः परं 'वाणमंतराणं' इति पदं अध्याहार्यम्। ४. जी० ४१३५१-५६५ । २. जी० ३।२६६-३५० ।
५. लवणसमुद्दे (क, ख, ग, ट, त्रि)। ३. णिच्चे (क, ख, ग, ट, त्रि)।
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |