Page Text
________________
जीवाजीवाभिगमे
४४०. तए णं से विज देवे अहुणोववण्णमेत्तए चेव समाणे पंचविहाए पज्जत्तीए पज्जत्तिभावं गच्छति [ तं जहा - आहारपज्जत्तीए सरीरपज्जत्तीए इंदियपज्जत्तीए 'आणापाणुपज्जत्तीए भासमणपज्जत्ती " ] ॥
४४१. तए णं तस्स विजयस्स देवस्स पंचविहाए पज्जत्तीए पज्जत्ति भावं गयस्स समाणस्स इमेयारूवे अज्झत्थिए चितिए पत्थिए मणोगए संकप्पे समुप्पज्जित्था - 'कि मे पुव्वि करणिज्जं ? किं मे पच्छा करणिज्जं ? किं मे पुव्वि सेयं ? किं मे पच्छा सेयं " ? किं मे 'पुव्विपि पच्छावि" हिताए सुहाए खमाए णिस्सेयसाए' आणुगामियत्ताए भविस्सति ॥
४४२. तए णं तस्स विजयस्स देवस्स सामाणियपरिसोववण्णगा देवा विजयस्स देवस्स इमं एतारूवं अज्झत्थियं चितियं पत्थियं मणोगयं संकप्पं समुप्पण्णं समभिजाणित्ता जेणेव विजए देवे तेणेव उवागच्छंति, उवागच्छित्ता विजयं देवं करयलपरिग्गहियं सिरसावत्तं मत्थए अंजलि कट्टु जएणं विजएणं वद्धावेंति, वद्धावेत्ता एवं वयासी - एवं खलु देवाणुप्पि - याणं विजयाए रायहाणीए सिद्धायतणंसि अट्ठसतं जिणपडिमाणं जिणुस्सेहपमाणमेत्ताणं संनिक्खित्तं चिट्ठति, सभाए सुधम्माए माणवए चेतियखंभे वइरामएस गोलवट्टसमुग्गएसु बहूओं' जिण-सकहाओ सन्निक्खित्ताओ चिट्ठति, जाओ णं देवाणुप्पियाणं अण्णेसि च बहूणं विजयरायहाणिवत्थव्वाणं' देवाण य देवीण य अच्चणिज्जाओ वंदणिज्जाओ पूयणिज्जाओ माणणिज्जाओ सक्कारणिज्जाओ कल्लाणं मंगलं देवयं चेतियं पज्जुवास णिज्जाओ । एतण्णं देवाप्पिया पुव्वि करणिज्जं, एतण्णं देवाणुप्पियाणं पच्छा करणिज्जं, एतण्णं देवाणुप्पि - या पुव्विसेयं, एतणं देवाणुप्पियाणं पच्छा सेयं, एतण्णं देवाणुप्पियाणं पुव्विपि पच्छावि • हिताए सुहाए खमाए णिस्सेयसाए' आणुगामियत्ताए भविस्सति" ।।
४४३. तए णं से विजए देवे तेसि सामाणियपरिसोववण्णगाणं देवाणं अंतिए एयमट्ठ सोच्चा णिसम्म हट्टतुट्ठ" - " चित्तमाणंदिए पीइमणे परमसोमणस्सिए हरिसवसविसप्पमाण हियए देवसयणिज्जाओ अब्भुट्ठेइ अब्भुट्ठेत्ता देवद्वसं" परिहेइ, परिहेत्ता देवसय णिज्जाओ पच्चीरुहइ, पच्चोरुहित्ता उववायसभाओ पुरत्थिमेणं दारेणं' णिग्गच्छइ, णिग्गच्छित्ता जेणेव १. आणापाणपज्जत्तीए
भासामणपज्जत्तीए (क, ख, ग, ट, त्रि) । कोष्ठकान्तरवर्ती पाठ: व्याख्यांशः प्रतीयते ।
२. किं मे पुव्वि सेयं किं मे पच्छा सेयं किं मे पुव्वि करणिज्जं कि मे पच्छा करणिज्जं (क, ख, ग, ट, त्रि) ।
३. पुव्वि वा पच्छा वा ( क, ख, ग, ट, ता, त्रि) । ४. खेमाए (त्रि) ।
३४४
५. जिस्से साए (क, ख, ग, त, ता); णिस्सेसया (त्रि ) ।
६. भविस्सतीति कट्टु एवं संपेहेति ( क, ख, ग, ट, त्रि) ।
Jain Education International
७. जाणित्ता (क, ख, ग, ट, त्रि); अतोग्रे 'ता' प्रतौ अतिरिक्तः पाठो दृश्यते हट्टतुट्ठचित्तमाणंदिता नंदिता पीतिमणा परमसोमणसिता हरिसवसविसप्पमाणहितया ।
८. बहुवीओ (ता) ।
६. x (ता) ।
१०. सं० पा० - पच्छावि जाव आणुगामियत्ताए । ११. भविस्सतीति कट्टु महया महया जयजय सद्दं परंजंति (क, ख, ग, ट, त्रि) ।
१२. सं० पा० - हट्ठतुट्ठ जाव हियए । १३. दिव्वं देवदूतजुयलं ( क, ख, ग, ट, त्रि) । १४. पुरथिमिल्लेणं (ता) ।
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |