Page Text
________________
३०६
वाल्ले', एत्थ णं जोतिसियाणं देवाणं तिरियमसंखेज्जा जोतिसियविमाणावाससतसहस्सा भवतीतिमक्खायं । ते णं विमाणा अद्धकविटुकसंठाणसंठिया एवं जहा ठाणपदे जाव चंदिम-सूरिया य, एत्थ णं जोतिसिंदा जोतिसरायाणो परिवसंति महिड्डिया जाव' विहति ॥
२५८. चंदसणं भंते! जोतिसिंदस्स जोतिसरण्णो कति परिसाओ पण्णत्ताओ ? गोयमा ! तिणि परिसाओ पण्णत्ताओ, तं जहा तुंबा तुडिया पव्वा । अभितरिया तुंबा, मज्झिमया तुडिया, बाहिरिया पव्वा । सेसं जहा कालस्स परिमाणं, ठितीवि । अट्ठो जहा चमरस्स । एवं सूरस्स वि ॥
दीवसमुद्दवत्तग्वयाधिकारो
२५६. कहि णं भंते ! दीवसमुद्दा ? केवइया णं भंते ! दीवसमुद्दा ? केमहालया णं ते ! दीवसमुद्दा ? किंसंठिया णं भंते! दीवसमुद्दा ? किमाकारभावपडोयारा णं भंते ! दीवसमुद्दा पण्णत्ता ? गोयमा ! जंबुद्दीवाइया दीवा लवणादीया समुद्दा संठाणओ एक विधिविधाणा वित्थरतो' अणेगविधिविधाणा दुगुणाद्गुणे पडुप्पाएमाणा - पडुप्पारमाणा पवित्थरमाणा - पवित्थरमाणा ओभासमाणवीचीया बहुउप्पल-पउम कुमुद-गलिण- सुभग-सोगंधिय'पोंडरीय महापोंडरीय"- सतपत्त - सहस्सपत्त-पप्फुल्ल केसरोवचिता पत्तेयं-पत्तेयं परमवरवेइयापरिक्खित्ता पत्तेयं पत्तेयं वणसंडपरिक्खित्ता सयंभुरमणपज्जवसाणा अस्सि तिरियलोए असंखेज्जा दीवसमुद्दा पण्णत्ता समणाउसो ! ।।
२६०. तत्थ णं अयं जंबुद्दीवे णामं दीये सव्वदीवसमुद्दाणं सव्वब्भंतर सव्वखुड्डाए वट्टे तेल्लापूयसंठाणसंठिते, वट्टे रहचक्कवालसंठाणसंठिते, वट्टे पुक्खरकण्णियासंठाणसंठिते, वट्टे पडण्णचंदसंठाणसंठिते, एक्कं जोयणसयसहस्सं आयाम - विक्खंभेणं, तिण्णि जोयणसय सहस्साई सोलस य सहस्साई दोण्णि य सत्तावीसे जोयणसते तिणि य कोसे अट्ठावीसं च धणुरायं तेरस अंगुलाई अर्द्धगुलकं च किंचिविसेसाहियं परिक्खेवेणं पण्णत्ते । १. दसुत्तरे जोयणसए बाहल्लेणं ( क ); दसुत्तरसए णं भंते! जोइसिंदस्स जोइसरण्णो कइजोयणबाहल्लेणं (ग); दसुत्तरं जोयणसयं परिसाओ पण्णत्ताओ ? गोयमा ! तिण्णि बाहल्लेणं (ट) ; दसुत्तरसए जोयणसए (त्रि ) । परिसाओ पण्णत्ताओ, तं जहा - तुंबा तुडिया २. पण० २२४८ | पेच्चा, अभितरिया तुंबा, मज्झिमिया तुडिया, बाहिरिया पेच्चा । सेसं जहा कालस्स, अट्ठो जह चमरस्स | चंदस्सपि एवं चेव । मलयगिरिवृत्तौ आदर्शलब्ध एव पाठः उद्धृतोस्ति । ४. वित्थारओ (क, ख, ग, ट, त्रि) । ५. अरविंद कोवणत (ता) ।
६. अस्सि तिरियलोए असंखेज्जा दीवसमुद्दा सयंभुरमणपज्जवसाणा (क, ख, ग, ट, त्रि) । ७. अतिरिए (क, ख, त्रि); अब्भितरए ( ग ) ; अब्भंतरए (ट) ।
३. 'ता' प्रती पूर्व चन्द्रमसः पर्वन्निरूपकं सूत्रमस्ति, तदनन्तरं च सूर्यस्य, यथा - चंदस्स णं भंते ! पुच्छा गो ततो पं तं तुंबा तुडिता पव्वा, अभितरिया तुंबा, एवं एताओ वि णेतव्वाओ सेसं तहेव देविप्रमाणं ठिती य जधा बंतरिदाणं । एवं सूरस्स वि । एष एव क्रमः अस्माभिरादृत: । स्थानाङ्गे ३।१५५,१५७ सूत्रयोरयमेव क्रमो दृश्यते ! 'ता' प्रतेः पाठभेदो निर्दिष्ट एव शेषादर्थेषु प्रस्तुतक्रमस्य व्यत्ययोस्ति-- सूरस्स
जीवाजीवाभिगमे
Jain Education International
For Private & Personal Use Only
www.jainelibrary.org
| SR No. | 003554 |
| Book Title | Uvangsuttani Part 04 - Ovayiam Raipaseniyam Jivajivabhigame |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1987 |
| Total Pages | 854 |
| Language | Prakrit |
| Classification | Book_Devnagari, Agam, & Canon |
| File Size | 17 MB |